قۋاندىق بيشىمبايەۆ سوتتا تۇسىنىكتەمە بەرۋدى باستادى. بۇل تۋرالى Tengrinews.kz ءتىلشىسى حابارلادى، دەپ جازادى Qamshy.kz اقپارات اگەنتتىگى.

ۇلتتىق ەكونوميكانىڭ ەكس-مينيسترى قىلمىستىق ءىسىنىڭ ءمان-جايىن تۇسىندىرۋگە كوشتى. ءسوز باسىندا ەلباسى مەن قازاقستاندىقتاردى جەرگە قاراتقانىنا وكىنەتىنىن ايتتى.

«مەن قازاقستان پرەزيدەنتى، ەلباسى نۇرسۇلتان نازاربايەۆقا مىنانى ايتقىم كەلەدى. بارلىق كاسىبي جەتىستىكتەرىم ءۇشىن مەملەكەت باسشىسىنا قارىزدارمىن. قايدا بولسام دا، «سامۇرىق»، «بايتەرەك»، مينيسترلىك بولماسىن ەلباسىنىڭ تاپسىرمالارىن مۇلتىكسىز ورىنداۋعا تىرىستىم. ال پرەزيدەنتتىڭ تاپسىرمالارى قازاقستان ازاماتتارى ءۇشىن جاسالدى: تۇرعىلىقتى مەكەن، جۇمى... مەن سەكىلدى جاس مامانعا سەنىم ارتقان ەلباسىنا ريزامىن»، - دەدى سوتتا قۋاندىق بيشىمبايەۆ.

«پرەزيدەنتتىڭ الدىندا ايىپتى ەكەنىمدى مويىندايمىن. مەن جۇمىسقا شاقىرعان ادامدار: جاقسىبايەۆ، جاكۋپوۆ جانە وزگەلەرى مەنى ساتىپ كەتتى. سول ءۇشىن مەملەكەت باسشىسىنىڭ الدىندا جاۋاپقا تارتىلدىم. ەلباسىنىڭ سەنىمىن اقتاي الماعانىم ءۇشىن ۇيالىپ تا، قينالىپ تا تۇرمىن. مەنىڭ سەنىمىمە كىرىپ، ءتۇبى سونى پايدالانعان ادامدارمەن جۇمىس ىستەگەم ەكەنمىن. مەملەكەت باسشىسىنان، حالقىمنان كەشىرىم سۇرايمىن»، - دەپ مالىمدەدى ۇلتتىق ەكونوميكانىڭ ەكس-مينيسترى.

سونداي-اق بيشىمبايەۆ ايىپتاۋ اكتىسىندە سيپاتتالعان قىلمىستار ءۇشىن كىنالى ەمەس ەكەنىن جەتكىزدى.  

ايتا كەتەيىك، بۇرىنعى ەكونوميكا ءمينيسترى ق ر قىلمىستىق كودەكسىنىڭ 366-بابىنىڭ 4-بولىگىندە كوزدەلگەن  «پارا الۋ» قىلمىسى بويىنشا جانە 189-بابى 2-تارماعىنىڭ 4-بولىگىندە - «باسقا ادامداردىڭ سەنىپ تاپسىرىلعان مۇلكىن تاعايىنداۋ نەمەسە ۇرلاۋ» بويىنشا ايىپتالعان.