"اسكەري قىزمەت جانە اسكەري قىزمەتشىلەردىڭ مارتەبەسى تۋرالى"  قازاقستان رەسپۋبليكاسىنىڭ 2012 جىلعى 16 اقپانداعى № 561-IV زاڭىنا سايكەس 2018 جىلعى قاڭتار مەن ناۋرىز ايىنا  ازاماتتاردى اسكەرگە شاقىرۋ ۋچاسكەسىنە تىركەۋ وتەدى، دەپ حابارلايدى Qamshy.kz اقپارات اگەنتتىگى.

2001 جىلى تۋعان 6000-عا جۋىقتاي ءجاسوسپىرىم الماتى قالاسىنىڭ جەرگىلىكتى اسكەري باسقارۋ ورگاندارىنىڭ  اسكەري ەسەبىنە  الىنادى.

ازاماتتاردى اسكەرگە شاقىرۋ ۋچاسكەلەرىنە تىركەۋ – بۇل اسكەرگە شاقىرۋ جاسىنا دەيىنگىلەردى اسكەري ەسەپكە قويۋ ءۇشىن جەرگىلىكتى اسكەري باسقارۋ ورگاندارىمەن بىرلەسىپ، ءتيىستى جەرگىلىكتى اتقارۋشى ورگاندار جۇرگىزەتىن اسكەري ەسەپكە الۋ ءىس-شارالارى بولىپ تابىلادى.

تىركەلۋ جىلى ون جەتى جاسقا تولاتىن قازاقستان رەسپۋبليكاسىنىڭ ەر ازاماتتارى اسكەرگە شاقىرۋ ۋچاسكەلەرىنە تىركەلۋگە جاتادى. تىركەۋگە كەلۋ تۋرالى ازاماتتاردى حابارلاۋ جەرگىلىكتى اسكەري باسقارۋ ورگاندارىمەن شاقىرۋ قاعازى ارقىلى جۇرگىزىلەدى. جەرگىلىكتى اسكەري باسقارۋ ورگاندارىنا شاقىرىلاتىن بارلىق ازاماتتار  شاقىرۋ قاعازىندا كورسەتىلگەن قۇجاتتارمەن ۋاقىتىندا شاقىرۋ ۋچاسكەسىنە كەلەدى.

ءجابو ۋاكىلدى تۇلعاسى ۇسىنىلعان قۇجاتتار بويىنشا ازاماتتارمەن اڭگىمەلەسۋ  جۇرگىزەدى.

سونىمەن قاتار،  ودان ءارى ازاماتتاردى اسكەرگە شاقىرۋ ۋچاسكەلەرىنە تىركەۋ كەزىندە اسكەري قىزمەتكە جارامدىلىق دارەجەسىن بەلگىلەۋ ءۇشىن اسكەري-دارىگەرلىك ساراپتامانى جۇرگىزۋ قاعيدالارىندا ايقىندالعان تارتىپپەن مەديسينالىق كوميسسيادان وتەدى.

شاقىرۋ ۋچاسكەسىنە تىركەۋگە الىنعان ازاماتتارعا  شاقىرۋ ۋچاسكەسىنە تىركەۋ تۋرالى كۋالىك بەرىلەدى.  تىركەۋگە الۋ بارىسىندا ق ر قم جوو-نا ءتۇسۋ بويىنشا ۇگىت-ناسيحات جۇمىستارى جۇرگىزىلەدى. جاستارعا اسكەري قىزمەتتىڭ جەتىستىگى تۋرالى ايتىلادى. ازاماتتاردى شاقىرۋ ۋچاسكەسىنە تىركەۋ قازاقستاندا جىل سايىن وتكىزىلەدى.