قازاقستان رەسپۋبليكاسى ۇقك ۇزاق ۋاقىت بويى زاڭسىز وندىرىلگەن التىندى كەندى كونتراباندالىق جولمەن قحر-عا شىعارۋمەن اينالىسقان ۇيىمداسقان قىلمىستىق توپ ارەكەتىنىڭ جولىن كەستى دەپ حابارلايدى Qamshy.kz اقپارات اگەنتتىگى ق ر ۇقك باسپا ءسوز قىزمەتىنە سىلتەمە جاساپ.
الماتى، استانا جانە ستەپنوگورسك قالالارىندا ارنايى وپەراسيا جۇرگىزۋ بارىسىندا توپ مۇشەلەرى، ونىڭ ىشىندە قىتايدىڭ 1 ازاماتى ۇستالدى.
«التىنكول» ستانسياسىندا جالپى سالماعى 106 توننا التىندى كەنى بار 2 ۆاگون قولعا ءتۇسىرىلدى. جالعان قۇجاتتاما الىندى.
كورسەتىلگەن ادامدار التىندى كەندى ساقتاۋ جانە قايتا وڭدەۋ ءۇشىن پايدالانعان قويما ءۇي-جايلارىندا ءتىنتۋ ءىس-شارالارى جۇرگىزىلدى. قۇرامىندا التىننىڭ بولۋىنا كەنگە زەرتتەۋ جۇرگىزۋ ءۇشىن قولدان جاسالعان زەرتحانا تابىلدى.
وسى فاكت بويىنشا سوتقا دەيىنگى تەرگەۋ باستالدى، ءبىرقاتار ساراپتاما تاعايىندالدى. تەرگەۋ مۇددەسىندە وزگە اقپارات جاريالاۋعا جاتپايدى.
