اۋعانستاننان كەلگەن ستۋدەنت حافيز حان بەينەۇندەۋ ارقىلى نۇرسۇلتان نازاربايەۆقا جۇگىنىپ، ەلدەگى سوعىستى توقتاتۋعا كومەكتەسۋدى ءوتىندى، دەپ حابارلايدى Qamshy.kz اقپارات اگەنتتىگى. جەلىدە ستۋدەنتتىڭ ۆيدەوجولداۋى جاريالاندى. 

"مەن اۋعان سوعىسىندا امان قالدىم. اكەمنىڭ كوز جاسىن كوردىم. وتە قورقىنىشتى. قارىنداسىمدى مەكتەپكە جىبەرۋگە قورقامىز، سەبەبى ورالماۋى مۇمكىن. ءبىراق مەن كەك العىم كەلمەيدى. مەن تىنىشتالدىم. قازاقستاندا جاقسى ءبىلىم الىپ جاتىرمىن. مەنى ءتۇرلى ۇلت وكىلدەرىمەن بەيبىت ءومىر سۇرۋگە ۇيرەتتى، اۋعانستان حالقى دا وسىلاي ءومىر ءسۇرۋى كەرەكتىگىن ءتۇسىندىم"، — دەيدى حان. 

جاس جىگىت اقش پرەزيدەنتى دونالد ترامپ پەن قازاقستان باسشىسى نۇرسۇلتان نازاربايەۆتان اۋعانستانداعى جاعدايدى رەتتەۋگە كومەكتەسۋدى سۇرادى. 

"قۇرمەتتى نۇرسۇلتان نازاربايەۆ، ءسىز – الەمدىك اۋقىمداعى كوشباسشىسىز. كوپتەگەن جانجالدى شەشۋدە تالاي رەت بىتىمگەر بولدىڭىز. ءقازىر ءبارى استانادا وتكەن سيريا بويىنشا كەلىسسوزدەر ناتيجەسىن كورىپ وتىر. تاياۋدا جاڭالىقتاردان ءسىزدىڭ دونالد ترامپپەن كەزدەسەتىنىڭىزدى ەستىدىم. نۇرسۇلتان ءابىش ۇلى، سىزدەن وعان مەنىڭ سوزدەرىمدى جەتكىزۋدى جانە قازاقستاندا بەيبىت ديالوگ باستاۋدى وتىنەمىن"، — دەدى ستۋدەنت. 

سونداي-اق، حافيز حان جاستاردى ءوزى ۇيىمداستىرعان "جاستار بەيبىتشىلىك ءۇشىن" فلەشموبىن قولداۋعا شاقىردى.