مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى مىندەتىن جانداربەك سادىربايەۆ اتقاراتىن بولدى. بۇل تۋرالى Qamshy.kz اقپارات اگەنتتىگى تengrinews.kz مالىمەتىنە سۇيەنىپ حابارلايدى. 

"قازاقستان رەسپۋبليكاسى مادەنيەت جانە سپورت مينيسترلىگىنىڭ "مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى" رەسپۋبليكالىق مەملەكەتتىك قازىنالىق كاسىپورنىنىڭ ديرەكتورى ءبىلالوۆ ەرلان ءابدىلدا ۇلى 2018 جىلدىڭ 4 قاڭتارىندا ءىستىڭ ءمان-جايى انىقتالعانشا قىزمەتىنەن شەتتەتىلدى. شەتتەتىلگەن ۋاقىتتا مىندەتتى ديرەكتوردىڭ شىعارماشىلىق ءىس بويىنشا ورىنباسارى جانداربەك الايدار ۇلى اتقارادى"، - دەلىنگەن مينيسترلىك حابارلاماسىندا.

ال قازاقستان تەاترلار اسسوسياسياسىنىڭ پرەزيدەنتى، قازاقستان ەڭبەك ەرى، ق ر جانە كسرو حالىق ءارتىسى ءاسانالى ءاشىموۆ وقيعا جايلى ءوز پىكىرىن بىلدىرگەن ەدى.  "بۇگىن ونەر سالاسىنداعى زيالىلار، جازۋشىلار، دراماتۋرگتار، رەجيسسەرلار مەن تەاتر قىزمەتكەرلەرى جينالدى. ءبىزدىڭ تەاترىمىزدا بولعان وقيعا - سۇرەنسىز جاعداي، بۇل بارلىعىمىزدى الاڭداتادى، سەبەبى مۇندا ىستەگەن جاس ديرەكتور، ەكى جارىم جىل وسى قىزمەتتە بولدى جانە وسى ۋاقىت ىشىندە ءبىزدىڭ دامۋىمىز، گاسترولدىك ساپارلارعا شىعۋىمىز - ول بارلىعىن دا ءوزىنىڭ تازا ەڭبەگىمەن تاپتى.

مۇنداي جاعداي ورىن العانىنا جابىرقاۋلىمىز. مەنىڭ ايتپاعىم، بۇل ىستە ونى عانا ەمەس وسىنى ۇيىمداستىرعانداردى جازالاۋ كەرەك. ونىڭ وسىنشا قاراجاتتى العانى - دۇرىس ەمەس، ول جازاسىن الادى. ءبىز ءقازىر ونىڭ كىم ەكەنىن، قانداي ادام ەكەنىن ايتقىمىز كەلەدى، ءبىز ايتپاساق كىم ايتادى؟ كەز كەلگەن اداممەن وسىنداي جاعداي بولۋى مۇمكىن، مەنىڭشە، بۇل كەزدەيسوقتىق. وسىلاي بولدى، ادامنىڭ دا سۇرىنەتىن كەزى بولادى. ءبىر رەتتىك جاعداي - ونىڭ بۇكىل عۇمىرىنا ساباق بولادى. كەلەسىدە ول وبرازداردى شىعارۋ كەزىندە وعان وسى كومەكتەسەدى"، - دەگەن ەدى ول. 

ەسكە سالايىق، ق ر ەڭبەك سىڭىرگەن قايراتكەرى، اكتەر، م. اۋەزوۆ اتىنداعى قازاق مەملەكەتتىك اكادەميالىق دراما تەاترى باسشىسى ەرلان ءبىلالوۆ 1،5 ميلليون تەڭگە پارامەن ۇستالعان ەدى. ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى نۇرلان ءجاحيننىڭ مالىمەتىنشە، كىناسىن تولىق مويىنداۋىنا بايلانىستى ەرلان ءبىلالوۆ قاماۋعا الىنعان جوق.