وڭتۇستىك كورەيا كورشىلەس سولتۇستىك كورەيا سپورتشىلارىنىڭ ءپحونچحانداعى وليمپيادا ويىندارىنا قاتىسۋى ءۇشىن وسى ەلگە سالىنعان سانكسيالاردى جەڭىلدەتۋى مۇمكىن. بۇل تۋرالى وڭتۇستىك كورەيا سىرتقى ىستەر مينيسترلىگىنىڭ وكىلى نو گيۋ دوك مالىمدەدى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە بەرىپ. ءبىراق ازىرگە سەۋلدىڭ پحەنيانعا قاتىستى قانداي شەكتەۋ شارالارىن الىپ تاستايتىنى بەلگىسىز.
وسىعان بايلانىستى، وڭتۇستىك كورەيا بۇۇ قاۋىپسىزدىك كەڭەسىنىڭ سانكسيالار كوميتەتى، اقش جانە باسقا دا مەملەكەتتەرمەن كەڭەسەتىنىن جەتكىزدى. دەگەنمەن وسىنداي مالىمدەمەگە قاراماستان، سەۋل حالىقارالىق قاۋىمداستىقتىڭ سولتۇستىك كورەياعا سالعان شەكتەۋ شارالارى ودان ءارى قولدانىلا بەرەتىنىن اتاپ ءوتتى. اقش بيلىگى ءوز كەزەگىندە كورەي تۇبەگى يادرولىق قارۋدان ازات ايماققا اينالمايىنشا، پحەنيانعا قاتىستى ساياساتىن وزگەرتپەيتىنىن مالىمدەدى.
