يسپانيا تۇرمەسىندە دارىگەرلەر ءولدى دەپ ساناعان تۇتقىن اۋرۋحانا ءمايىتحاناسىندا كوزىن اشتى، دەپ حابارلايدى ۆۆس-گە سىلتەمە بەرىپ Sputnik قازاقستان. 

گونسالو مونتوييا حيمەنەس يسپانيانىڭ سولتۇستىگىندەگى استۋريا پروۆينسياسىندا جازاسىن وتەپ جاتقان. تۇرمەدە ىستەيتىن ءۇش دارىگەر تۇتقىندى تەكسەرىپ، ونىڭ قايتىس بولعانىن مالىمدەگەن. سودان كەيىن ءولىم سەبەبىن انىقتاۋ ءۇشىن ءمايىتتى وۆەدو قالاسىنداعى سوت مەديسيناسى ينستيتۋتىنىڭ ءمايىتحاناسىنا جەتكىزۋدى بۇيىرعان. 

ءمايىتتى سويۋعا بىرنەشە ساعات قالعاندا ەر ادام ەسىن جيدى. وتباسى مۇشەلەرىنىڭ ايتۋىنشا، حيمەنەستىڭ دەنەسىندە اۋتوپسيا (ءمايىتتى سويۋ) الدىندا جاعىلاتىن بەلگىلەر بولعان. "سوت-مەديسينالىق ساراپشىلار ءمايىتتى سويۋعا دايىندادى"، — دەيدى تۋىسقاندارى. 

ءقازىر ول دارىگەرلەردىڭ باقىلاۋىمەن وۆەدو قالاسىندا ينتەنسيۆتى تەراپيا بولىمىندە جاتىر. 

بولجام بويىنشا حيمەنەستە كاتالەپسيا اۋرۋى (دەنەنىڭ جانسىزدانۋى) بولعان. كاتالەپسيا كەزىندە ومىرلىك ماڭىزدى فۋنكسيالار باياۋلاپ، كەيدە ادام ءولى سياقتى كورىنەدى. 

ءبىراق ازىرگە دياگنوز رەسمي تۇردە راستالمادى.