الماتى وبلىسىندا 3-جاستاعى قىزدى اياۋسىز تىستەلەپ، مۇرنىن جۇلىپ العان وگەي اكە قاماۋعا الىندى، دەپ قازاقپارات ءتىلشىسى. بۇل جونىندە وبلىستىق ءىىد باسپا ءسوز قىزمەتىنىڭ وكىلى كوبەيحان نۇراحمەتوۆ ءمالىم ەتتى.

«باستاپقىدا كۇدىكتىنىڭ ۇستىنەن ق ر قك 107 بابىنا سايكەس «دەنساۋلىققا قاساقانا اۋىرلىعى ورتاشا زيان كەلتiرۋ» ءىس قوزعالعان. ءقازىر 107 باپ ق ر قك-ڭ 106 بابىنا «دەنساۋلىققا قاساقانا اۋىر زيان كەلتiرۋ» اۋىستىرىلدى»، دەپ مالىمدەدى نۇراحمەتوۆ.

ايتا كەتۋ كەرەك، كىشكەنتاي قىزدى اياۋسىز تىستەلەگەن 1986 جىلعى كۇدىكتى بۇعان دەيىن ەكى رەت سوتتالعان. ول 2005 جانە 2013 جىلدارى زورلاۋعا تالپىنۋ جانە توناۋ قىلمىستارى بويىنشا جاۋاپقا تارتىلعان. وگەي اكەدەن ءجابىر كورگەن 3-جاستاعى قىز اۋرۋحانادا 20 كۇن بويى ەم قابىلدادى. ەندى بالانىڭ مۇرنىنا پلاستيكالىق وتا جاساۋ قاجەت.

ەستەرىڭىزگە سالا كەتەيىك، سۇمدىق وقيعا تالعار اۋدانىنىڭ تۇزدىباستاۋ اۋىلىندا بولعان. 3 جاسار قىزى بار اياۋلىم ماتايەۆا رينات ەسىمدى ەركەكپەن ازاماتتىق نەكەدە پاتەر جالداپ تۇرعان. قايعىلى جاعداي بولعان كۇنى ىشىمدىككە تويىپ العان كۇيەۋى ايەلىن اراققا جۇمساپ جىبەرگەن. ول كەزدە ءبۇلدىرشىن شىرت ۇيقىدا ەكەن. اياۋلىم دۇكەننەن ورالعاندا ريناتتىڭ بالانى قيناپ جاتقان جەرىنەن تۇسكەن. بۇل كەزدە وگەي اكە بالانىڭ مۇرنىن تىستەپ، جۇلىپ الىپ ۇلگەرگەن.