بيىلدان باستاپ جاڭا بوسانعان انالار ءسابيىنىڭ تۋۋ تۋرالى كۋالىگىن ۇيالى تەلەفوننىڭ كومەگىمەن-اق الا الادى. سونىمەن قاتار بالاباقشا كەزەگىنە تىركەلۋ، ءبىر رەتتىك جاردەماقى الۋ ماسەلەسىن دە SMS حابارلاما ارقىلى شەشەدى. بۇل تۋرالى Qamshy.kz اقپارات اگەنتتىگى 24.kz-كە سىلتەمە بەرىپ حابارلايدى.
«سيفرلى قازاقستان» باعدارلاماسى اياسىنداعى بۇل باستاما ەلىمىزدىڭ بارلىق وڭىرلەرىندە سىناق تۇرىندە جۇزەگە اسا باستادى. ەندى بالا ومىرگە كەلىسىمەن، ونىڭ اتا-اناسىنا SMS-حابارلاما ارقىلى قۇتتىقتاۋ كەلىپ، ءسابيدى تىركەۋ بويىنشا مەملەكەتتىك قىزمەتتى الۋ ۇسىنىسى جاسالادى. قىزىلوردادا پرواكتيۆتى قىزمەت ءتۇرىن العاش پايدالانعان انالاردى حالىققا قىزمەت كورسەتۋ ورتالىعىنىڭ ماماندارى قۇتتىقتاپ، تۋۋ تۋرالى كۋالىكتەرىن تاپسىردى. وسىلايشا پەرزەنتحانادان شىقپاي-اق، ءبىر وتىنىشپەن 4 مەملەكەتتىك قىزمەت ءتۇرىن پايدالانۋ ءتاسىلىن ناسيحاتتاۋ شارالارى جۇرۋدە.
پىكىر قالدىرۋ