تىنىق مۇحيتىندا پەرۋ جاعالاۋىندا كۇشتى جەر سىلكىنىسى بولىپ ءوتتى. 7،3 بالدىق جويقىن اپات س الدارىنان 2 ادام قازا تاۋىپ، تاعى 65ء-سى ءتۇرلى دەڭگەيدەگى جاراقات العان. بۇل تۋرالى Qamshy.kz اقپارات اگەنتتىگى لايف.رۋ-عا سىلتەمە بەرىپ حابارلايدى. سونىمەن قاتار جەر سىلكىنىسىنەن كەيىن ەلدەگى شاحتادا 17 ادام ءىز-تۇزسىز جوعالىپ كەتكەن.
پەرۋ گەوفيزيكا ينستيتۋتىنىڭ دەرەگى بويىنشا ءزىلزالا وشاعى 10 شاقىرىم تەرەڭدىكتە ارەكيپا ايماعىنداعى كاراۆەلي پروۆينسياسىندا تىركەلگەن. جەرگىلىكتى اقپارات قۇرالدارىنىڭ حابارلاۋىنشا، ادامدار جوعالىپ كەتكەن شاحتا چاپپارا اۋدانىندا ورنالاسقان.
قازىرگى ۋاقىتتا سۋنامي بولۋ ءقاۋپى تۋىنداپ وتىر.
پىكىر قالدىرۋ