قازاقستاننىڭ باتىس وڭىرىندە ءىرى جول اپاتى بولىپ، بەس ادام قازا تاپتى، تاعى بەس ادام اۋرۋحاناعا جاتقىزىلدى، دەپ حابارلايدى Qamshy.kz اقپارات اگەنتتىگى وڭىرلىك موي گورود باسىلىمىنا سىلتەمە جاساي وتىرىپ.

جول اپاتى 14 قاڭتاردا كۇندىز اتىراۋ-استراحان تاس جولىندا ەرعالييەۆ اتىنداعى اۋىلدان بەس شاقىرىم جەردە بولعان.

"Hyundai Accent پەن "ۆاز-21015" كولىكتەرىنىڭ سوقتىعىسۋىنان بەس ادام قازا تاپتى: "ۆاز-21015"  كولىگىنىڭ 60 جاستاعى جۇرگىزۋشىسى، 40 جانە 57 جاستاعى ەكى ايەل، 29 جاستاعى جىگىت پەن 60 جاستاعى جولاۋشى"، — دەپ حابارلادى اتىراۋ وبلىسى ءىىد باسپا ءسوز قىزمەتى.

Hyundai Accent كولىگىنىڭ جۇرگىزۋشىسى مەن جولاۋشىلارى يساتاي اۋدانى اققىستاۋ اۋىلىنىڭ اۋرۋحاناسىنا جەتكىزىلگەن.

جول اپاتى بويىنشا سوتقا دەيىنگى تەرگەۋ امالدارى باستالىپ، ءبىرقاتار ساراپتاما تاعايىندالدى.