13 قاڭتاردا قازاق كينوونەرىنىڭ ءتولقۇجاتىنا اينالعان «قىز جىبەك» كينوفيلمىنىڭ رەجيسسەرى، ق ر مەملەكەتتىك سىيلىعىنىڭ يەگەرى قوجىقوۆ سۇلتان-احمەت قوڭىرقوجا ۇلىنىڭ ۇستىمىزدەگى جىلى اتالىپ وتەتىن 95 جىلدىق مەرەيتويى قارساڭىندا «تۇلعا. كينو. ۋاقىت» اتتى دوڭگەلەك ۇستەل ءوتتى، دەپ حابارلايدى Qamshy.kz اقپارات اگەنتتىگى. 

اتالعان مادەني شارانى الماتى قالاسىنداعى قوجىقوۆ اتىنداعى 39-ىنشى مامانداندىرىلعان ليسەي ۇجىمى وتكىزگەن. سونىمەن بىرگە دوڭگەلەك ۇستەلدى شاياحمەت يماش ۇلى جۇرگىزدى.

بۇل دوڭگەلەك ۇستەلگە قازاق كينوسىنىڭ تانىمال قايراتكەرلەردىڭ كوركەم جانە دەرەكتى فيلمدەرى تۋرالى ەستەلىكتەر ايتىلىپ، پىكىرلە ورتاعا سالىندى. دوڭگەلەك ۇستەلگە اتالمىش مەكتەپ باسشىلىعى: مەكتەپ ديرەكتورى مەرەيحان جۇماعالييەۆ، ورىنباسارى نۇرجىگىت امانوۆ، الماتى قالالىق ءبىلىم دەپارتامەنتىنەن نۇرگۇل تاۋ، المالى اۋداندىق ءبىلىم دەپارتامەنتىنەن اسەم نۇربايەۆا، وسى مەكتەپ اتا-انالار كوميتەتىنىڭ ءتورايىمى، ۇزاق جىل مەكتەپ ديرەكتورى بولعان قارلىعا يمانبەكوۆا جانە اتالمىش مەكتەپ ۇستازدارى، وقۋشىلار، اتا-انالار، جۋرناليستەر، ت.ب. قاتىستى.