قازىرگى ۋاقىتتا تابىسى ورتاشا قازاقستاندىقتار ءۇشىن تۇرعىن ءۇي الۋعا ءتيىمدى جۇيە – تۇرعىن ءۇي قۇرىلىس جيناق بانكى ارقىلى يپوتەكا الۋ بولىپ وتىر. بۇل تۋرالى Qamshy.kz اقپارات اگەنتتىگى kn.kz-كە سىلتەمە بەرىپ جازادى.
اتالعان بانك تۇرعىن ۇيگە يپوتەكا الۋدى ەلىمىزدە ەڭ تومەنگى پايىزدا جۇزەگە اسىرادى. تۇرعىن ءۇي قۇرىلىس جيناق بانكى ۇسىنعان مودەل ارقىلى كليەنتتەر بىرنەشە جىلدا جەڭىلدىكپەن بەرىلەتىن كرەديت الىپ، قولجەتىمدى سومادا ءۇي ساتىپ الا الادى. بانك ۇسىنعان مالىمەتتەر بويىنشا، 2017 جىلى 9 ايدا 28 990 ادام تۇرعىن ءۇي العان.
ءتۇقجب قانداي باعدارلامالار ۇسىنادى؟
بىلتىرعى جىلدان باستاپ تۇرعىن ءۇي قۇرىلىس جيناق بانكىندە ءبىر عانا تاريفتىك باعدارلاما – «باسپانا» جۇمىس ىستەيدى. وسىعان دەيىن جۇمىس ىستەگەن «باستاۋ»، «وركەن»، «كەمەل»، «بولاشاق» تاريفتىك باعدارلامالارى بىرىكتى.
سالىمشى ءۇش ماسەلە توڭىرەگىندە ءوز جوسپارلارىن انىقتاپ الۋ كەرەك. بىرىنشىدەن، الاتىن ءۇيدىڭ باعاسى قانداي بولادى، ەكىنشىدەن، باستاپقى جارنا مولشەرى قانداي بولماق جانە اي سايىن قانداي سومانى تولەي الادى.
«باسپانا» باعدارلاماسى مينيمالدى سوماعا 500 مرپ (1 134 500 تگ) سالىم جاساۋعا مۇمكىندىك بەرەدى. سونىمەن بىرگە، كەلىسىمشارتتاعى سومانى وزگەرتۋگە، دەپوزيتتەردى بىرىكتىرۋگە بولادى.
قارىزدىڭ مەرزىمى مەن پايىزدىق مولشەرلەمەسى باعالاۋ كورسەتكىشىنە بايلانىستى. سالىمداردىڭ نەعۇرلىم ءجيى سالىنۋى كليەنتتىڭ باعالاۋ كوررسەتكىشىنە اسەر ەتەدى.
سالىمشى مينيمالدى تۇردە قوردى 3 جىلعا باعالاۋ كورسەتكىشى 16-عا جەتكەنشە جەتكىزۋى ءتيىس. مۇنداي جاعدايدا بانك كليەنتى ءۇيدى 5 % جىلدىڭ مولشەرلەمەمەن الا الادى. ەگەر كليەنت ارى قاراي 4 جىل سالىم سالسا، باعالاۋ كورسەتكىشى 20-عا وسەدى. پايىزدىق مولشەرلەمە 4،8%-عا دەيىن تومەندەيدى. قارىزعا بەرۋدە مينيمالدى پايىزدىق مولشەرلەمە 3،5% جىلدىق مولشەرلەمە.
تۇقجب-دەگى ەڭ ءتيىمدى يپوتەكا – تۇرعىن ۇيگە بەرىلەتىن قارىز. مۇندا ءسىز ءۇيدى مەملەكەتتىك باعدارلاما بويىنشا الاسىز با، الدە جاڭا قۇرىلىستان الاسىز با- ايىرماسى جوق، بانكتىڭ بارلىق شارتتارىن ورىنداعان سالىمشى عانا يپوتەكا يەگەرى اتانا الادى.
قارىزدى الۋ شارتتارى:
- تۇرعىن ءۇي قۇرىلىس جيناقتارى تۋرالى كەلىسىمشارقا وتىرۋ كەرەك
- جينالعان سوما كەلىسىمشارت سوماسىنان 50 %-دان كەم بولماۋى ءتيىس. كەلىسىمشارتتا بەلگىلەنگەن سوما شارتتى بولادى، سوندىقتان ونى وزگەرتۋىڭىزگە بولادى
- سالىم سالۋدىڭ مينيمالدى مەرزىمى 3 جىل
- سالىمدى اي سايىن جۇرگىزۋ كەرەك
«نۇرلى جەر» باعدارلاماسى بويىنشا ءۇي مەن پاتەر الۋ
بۇل تۇرعىن ءۇي قۇرىلىس جيناعى جۇيەسى ارقىلى جەرگىلىكتى اتقارۋشى ورگاندار جاو ارقىلى كرەديتتىك نەگىزدە تۇرعىن ءۇي الۋ. جاو تىزىمىندە تۇرعاندار مەن بانك سالىمشىلارى مەن كەزەكتە تۇرعاندارىنا ارنالعان.
تالاپتار:
- تۇرعىن ءۇي قۇرىلىس جيناعى تۋرالى كەلىسىمشارت جاساۋ
- ارىز جازۋ، ءۇي الۋعا ۇمىتكەر مارتەبەىن الۋ
- ءتۇقجب شوتىندا ءۇي باعاسىنىڭ كەم دەگەندە 30%-نىڭ بولۋى
- ق ر ازاماتتىعىنىڭ بولۋى نەمەسە ورالمان مارتەبەسىنىڭ بولۋى
- ءوتىنىش بەرۋشىدە جانە ونىڭ وتباسى مۇشەلەرىندە قازاقستان رەسپۋبليكاسىنىڭ اۋماعىندا جەكە مەنشىك ءۇيىنىڭ بولماۋى؛
- ءوتىنىش بەرۋشىنىڭ جانە ونىڭ وتباسى مۇشەلەرىنىڭ سوڭعى 5 جىلدىڭ ىشىندە تۇرعىن ءۇي جاعدايىن ادەيى ناشارلاتۋ جانە تۇرعىن ۇيىنەن ايىرۋ دەرەگىنىڭ بولماۋى.
- قتقجب-نىڭ ىشكى قۇجاتتارىمەن قاراستىرىلعان تارتىپتە تولەم قابىلەتتىلىگىن راستاۋ؛
- ەلەكتروندى ۇكىمەت ۆەب-پورتالىندا تىركەۋدەن ءوتۋى
ارالىق تۇرعىن ءۇي قارىزى
تالاپتار:
تۇرعىن ءۇي قۇرىلىس جيناقتارى تۋرالى كەلىسىمشارتتى جاساۋ
جيناقتاۋ مەرزىمى - كەلىسىمشارت سوماسىنىڭ 50%
نەسيە بويىنشا مولشەرلەمە: جىلدىق 7،5%-دان (جتسم – جىلدىق 8،9%-دان)
جىلدىق 5%، (جتسم* –جىلدىق 5،3%-دان)، «نۇرلى جول» باعدارلاماسى شەڭبەرىندە.
جىلدىق 6،5%، (جتسم* – جىلدىق 7،2%-دان)، «وڭىرلەردى دامىتۋدىڭ 2020 جىلعا دەيىنگى باعدارلاماسىنا» قاتىسۋشىلار ءۇشىن.
*جىلدىق ءتيىمدى سىياقى مولشەرلەمەسى
نەسيەلەندىرۋ مەرزىمى: 25 جىلعا دەيىن.
الدىن-الا تۇرعىن ءۇي قارىزى
تالاپتار:
تۇرعىن ءۇي قۇرىلىس جيناقتارى تۋرالى كەلىسىمشارت جاساۋ
سالىمدى تولىقتىرۋ ءۇشىن شوت اشۋ
سالىمدى تولىقتىرۋ مەرزىمى: اي سايىن
نەسيە بويىنشا مولشەرلەمە
جىلدىق 5% (جتسم – جىلدىق 5،2%)، «نۇرلى جول» باعدارلاماسى شەڭبەرىندە كەلىسىمشارت سوماسىنىڭ 30%-ىن جيناقتاۋ كەزىندە.
جىلدىق 7،5% (جتسم – جىلدىق 7،9%)، جيناقتاۋسىز، "وڭىرلەردى دامىتۋدىڭ 2020 جىلعا دەيىنگى باعدارلاماسىنا" قاتىسۋشىلار ءۇشىن بيۋدجەتتىك قاراجاتتى پايدالانا وتىرىپ.
جىلدىق 9،5% (جتسم – جىلدىق 12،8%)، «ءوز ءۇيىم» باعدارلاماسى شەڭبەرىندە كەلىسىمشارت سوماسىنىڭ 30%-ىن جيناقتاۋ كەزىندە.
نەسيەلەۋ مەرزىمى: 3 جىلدان 8،5 جىلعا دەيىن
«ءوز ءۇيىم» باعدارلاماسى
«قازاقستاننىڭ تۇرعىن ءۇي قۇرىلىس جيناق بانكى» اق-نىڭ «ءوز ءۇيىم» باعدارلاماسى - بانك سالىمشىلارىن قول جەتىمدى باسپانامەن قامتاماسىز ەتۋ ماقساتىندا ازىرلەنگەن. بانك كليەنتتەرى ءوز ەركىمەن قۇرىلىس سالۋشىنى جانە اشىق داۋىس بەرۋ ارقىلى تۇرعىن ءۇي جوباسىن تاڭداي الۋى باعدارلامانىڭ بىرەگەيلىگى بولىپ تابىلادى.
باعدارلاماعا كىمدەر قاتىسا الادى؟
باعدارلاماعا «ءوز ءۇيىم» باعدارلاماسىنا قاتىسۋعا ءوتىنىش بەرگەن ساتتە بانكتەگى جيناق شوتىندا تۇرعىن ءۇي قۇرىلىس جيناقتارى تۇرىندەگى كەم دەگەندە 500 000 (بەس ءجۇز مىڭ) تەڭگە مىندەتتى جيناقتارى بار بانكتىڭ بارلىق سالىمشىلارى قاتىسا الادى.
باعدارلامانىڭ ەرەكشەلىكتەرى:
-سالىمشىلارعا استانا جانە الماتى قالالارى بويىنشا ساتىپ الىنعان جىلجىمايتىن مۇلىكتىڭ تىركەلگەن جەرى بويىنشا مىندەتتى ەكى جىلدىق تىركەۋگە بايلانىستى تالاپتاردىڭ جوقتىعى؛
-تۇرعىن ءۇي ساتىپ الۋ كەزىندە ءوتىنىش بەرۋشىدە جانە ونىڭ وتباسى مۇشەلەرىندە قانداي دا ءبىر جەكە مەنشىك ءۇيدىڭ بولماۋى بويىنشا تالاپتاردىڭ جوقتىعى؛
-سالىمشىلار قۇرىلىس نىسانىن تاڭداۋ كەزىندە داۋىس بەرۋ ارقىلى تىكەلەي قاتىسا الادى؛
-سالىمشىلار ۇلەستىك قاتىسۋ تارلى شارت جاساۋ ارقىلى سالىنعان جانە سالىنىپ جاتقان نىساندا باستاپقى نارىقتا جىلجىمايتىن مۇلىك ساتىپ الا الادى.
باعدارلاما اياسىندا كرەديتتەۋ تالاپتارى:
كرەديت بويىنشا پايىزدىق مولشەرلەمە زاەم تۇرىنە جانە ءوتىنىش بەرۋشى – قاتىسۋشىنىڭ تولەم قابىلەتتىلىگىن انىقتاۋ ساتىندە بانكتىڭ جيناق شوتىندا تۇرعىن ءۇي قۇرىلىس جيناقتارى تۇرىندەگى جيناقتار دەڭگەيىنە بايلانىستى:
- ساتىپ الىناتىن جىلجىمايتىن مۇلىك قۇنىنىڭ 30%-ىن جيناعان جاعدايدا الدىن الا زاەمدار (بانكتە بوس قاراجاتتار بار بولعان جاعدايدا) – 9،5%؛
- ساتىپ الىناتىن جىلجىمايتىن مۇلىك قۇنىنىڭ 50%-ىن جيناعان جاعدايدا ارالىق زاەمدار – 7،5%-دان 8،5%-عا دەيىن.
تۇرعىن ءۇي زاەمدارى ەڭ از دەگەندە 3 جىل ىشىندە 50% جيناقتاعان جانە ساتىپ الىناتىن جىلجىمايتىن مۇلىك قۇنىنان جوعارى جانە باعالاۋ كورسەتكىشىنىڭ قاجەتتى مولشەرىنە جەتكەن جاعدايدا – 3،5%-دان 5%-عا دەيىن.
كرەديتتەۋدىڭ مەرزىمدەرى:
كرەديتتەۋدىڭ ماكسيمالدى مەرزىمى 25 جىل، تاڭداپ الىنعان زاەم تۇرىنە بايلانىستى.
وسى ارقىلى تۇرعىن ءۇي قۇرىلىس جيناق بانكى جىلجىمايتىن مۇلىكتى ساتىپ الۋدىڭ بىرنەشە ءتاسىلىن ۇسىنادى.
پىكىر قالدىرۋ