ءبىلىم مينيسترلىگى: مەكتەپ وقۋشىلارىنىڭ ءۇي تاپسىرماسى ازايادى

/uploads/thumbnail/20170810153058500_small.jpg

ق ر ءبىلىم جانە عىلىم مينيسترلىگى وقۋشىلاردىڭ جۇكتەمەسىن ازايتۋ بويىنشا جۇمىس جۇرگىزۋدى باستادى، دەپ حابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى.

 «ءبىز ءقازىر وقۋشىعا ارتىلاتىن تۇتاس جۇكتەمەنى ازايتۋ بويىنشا جۇمىس ىستەپ جاتىرمىز. سانيتارلىق تالاپتارعا وقۋ باعدارلاماسىن 5 كۇنگە سىيعىزۋعا مۇمكىندىك بەرەتىن نورمالار ەنگىزىلدى. ق ر بعم بۇيرىعىندا بۇل نورمالار بارلىق ءبىلىم بەرۋ توپتارى ءۇشىن ناقتى كورسەتىلگەن. ۇيگە بەرىلەتىن وقۋ جۇكتەمەسى 150 مينۋتتان اسپاۋى ءتيىس، بۇل دا ءبىزدىڭ بۇيرىقتا كورسەتىلگەن»، - دەدى ۆيسە مينيستر بيبىگۇل اسىلوۆا ۇكىمەت ۇيىندە وتكەن باسپا ءسوز ءماسليحاتىندا.

سونداي-اق، ول مينيسترلىكتىڭ وقۋشىعا ارتىلاتىن جۇكتەمەنى ازايتۋ بويىنشا جۇيەلى جۇمىس جۇرگىزىلىپ جاتقانىن اتاپ ءوتتى.

 «وتكەن جىلى ق ر بعم «ءۇي تاپسىرماسىن رەتتەۋ تۋرالى» بۇيرىعى قابىلداندى. بۇگىندە بالالارعا بەرىلەتىن ءۇي تاپسىرماسىنىڭ ۇشتەن ءبىرى قىسقارتىلدى. 1 قىركۇيەكتەن باستاپ، بۇل قۇجات ءنورماتيۆتى دەڭگەيدە كۇشىنە ەندى»، - دەدى ب.اسىلوۆا.

ونىڭ ايتۋىنشا، بۇل ماسەلە پەداگوگتار قاۋىمىندا كەڭ تالقىلانادى، ال اقپارات وڭىرلىك دەڭگەيدەگى ءبىلىم بەرۋ قىزمەتكەرلەرىنە جەتكىزىلگەن.

پىكىر قالدىرۋ

قاتىستى ماقالالار