ابۋ-دابي قالاسىندا قاڭتاردىڭ 15 مەن 18 ارالىعىندا XI دۇنيەجۇزىلىك «بولاشاقتىڭ ەنەرگياسى» ءسامميتى ءوتىپ جاتىر. اۋقىمدى شاراعا 26 مىڭنان استام ادام قاتىسىپ، 20 ەلدىڭ پاۆيلونى مەن  650 كومپانيالار ەكسپونەنتى ۇسىنىلدى.

سامميت جۇمىسىنا ق ر ەنەرگەتيكا ءمينيسترى قانات بوزىمبايەۆ پەن «استانا ەكسپو-2017» ۇك» اق باسقارما ءتوراعاسى ەربول شورمانوۆ قاتىستى.

كورمەگە «استانا ەكسپو-2017» ۇك» اق ۇيىمداستىرعان جالپى اۋماعى 195 شارشى مەتردى قۇرايتىن قازاقستان پاۆيلونى قويىلعان.

– پاۆيلوندا ەلىمىزدە ىسكە اسىرىلىپ جاتقان، سونىڭ ىشىندە «سيفرلىق قازاقستان» مەملەكەتتىك باعدارلاماسى، «استانا» حالىقارالىق قارجى ورتالىعى، سونداي-اق جاڭعىرتىلاتىن ەنەرگيا كوزدەرى سالاسىنداعى جوبالار مەن كولىك-لوگيستيكالىق ينفراقۇرىلىم سالاسىنداعى ءبىرقاتار اۋقىمدى جوبالار قويىلعان»، – دەپ اتاپ ءوتتى ە. شورمانوۆ.

«استانا ەكسپو-2017» ۇك» اق سامميتكە جىل سايىن قاتىسادى. قازاقستان ءۇشىن بۇل – بالامالى ەنەرگەتيكا سالاسىنداعى سۇراقتاردى تالقىلايتىن الاڭ، سونىمەن قاتار، ەلىمىزگە ينۆيستيسيالار تارتۋدا دا ماڭىزدى.

ءىس-شارادا ەنەرگەتيكا سالاسىنداعى سوڭعى الەمدىك ترەندتەر مەن يننوۆاسيالىق جوبالارمەن تانىسۋ مۇمكىندىگى بار.