ەلوردالىق كوممۋنالدىق قىزمەتتەر شتاتتىق رەجيمدە جۇمىس ىستەپ جاتىر. كەشە تاۋلىك ىشىندە قالادان 42 مىڭ تەكشە مەتردەن استام قار شىعارىلدى. بۇل تۋرالى استانا قالاسى اكىمىنىڭ باسپا ءسوز قىزمەتىنە «استانا تازالىق» ج ش س حابارلادى، دەپ جازادى Qamshy.kz اقپارات اگەنتتىگى.

«تاۋلىك ىشىندە استانادا 42 726 تەكشە مەتر قار شىعارىلدى. سونىڭ ىشىندە، «استانا تازالىق» ج ش س 12 473 تەكشە م، «استانا-كوگالداندىرۋ قۇرىلىسى» اق 1 932 تەكشە م جانە مەردىگەر ۇيىمدارمەن 28 321 تەكشە م قار شىعارىلدى»، - دەلىنگەن حابارلامادا.

اعىمداعى جىلدىڭ 17 قاڭتارىندا كوشە تازالاۋ جۇمىستارىنا 321 جول قىزمەتكەرى، سونداي-اق، 578 ارنايى تەحنيكا جۇمىلدىرىلدى. سونىمەن قاتار، وتكەن تاۋلىكتە قالا جولدارىنا 225 تەكشە مەتر تۇزدى قۇم سەبىلدى.

ايتا كەتەيىك، استانادا قار شىعارۋ جۇمىستارى جۇمىس كۇندەرى، دەمالىس جانە مەرەكە كۇندەرى تاۋلىك بويى جۇرگىزىلەدى.