وڭتۇستىك قازاقستان وبلىسىنداعى اقسۋكەنت اۋىلىندا تۇراتىن كەيۋانا 7 جىلدان بەرى تۋعان قىزى مەن نەمەرەسىن ۇيىنە قايتارا الماي زار يلەپ ءجۇر. دۇكەندەگى جۇمىسىنان ورالماعان قىزى حات جازىپ قالدىرىپتى. ءتىپتى نەمەرەسىن دە بىرگە الىپ كەتكەن، دەپ جازدى Qamshy.kz اقپارات اگەنتتىگى Otyrar.kz سايتىنا سىلتەمە جاساي وتىرىپ.
پايعامبار جاسىنان اسقان اجە جانىنا جاقىن ادامدارىن "يەگوۆا كۋاگەرلەرى" ءدىني بىرلەستىگىنىڭ وكىلدەرى ۇگىتتەپ الىپ كەتتى دەپ وتىر.
كوز جاسى كول بولعان انا ءقازىر قارا باسى قاڭىراعان ۇيدە جالعىز قالدىم دەپ ناليدى. ءدىني بىرلەستىكتەن ءزابىر كورگەن بۇل جالعىز ادام ەمەس دەيدى تۇرعىندار.
بارنو يۋلداشيەۆا، اقسۋ اۋىلىنىڭ تۇرعىنى:
— 7 جىل بولدى كەتكەنىنە. ءبىر كەلگەن ەدى. ۇيگە قايتىپ ورال دەگەنىمدە، «قايتا المايمىن ول مۇمكىن ەمەس. بۇل مەنىڭ ەركىمدە ەمەس»، - دەدى.
