وڭتۇستىك كورەيانىڭ حوككەيدەن ايەلدەر قۇراماسى پحەنچحاندا وتەتىن وليمپيادا ويىندارىندا سولتۇستىككورەيالىق سپورتشىلارمەن ءبىر كوماندادا ويناۋعا نارازىلىقتارىن ءبىلدىردى. بۇل تۋرالى Qamshy.kz اقپارات اگەنتتىگى رەيتەرس-كە سىلتەمە بەرىپ حابارلايدى.

وڭتۇستىك كورەيا قۇراما كومانداسى بۇل تۋرالى اقش-تاعى جاتتىعۋلارىنان كەلگەن سوڭ بىلگەن. سپورتشىلار وزدەرىنىڭ بەيتانىس ادامدارمەن وينايتىندارىنا الاڭداۋشىلىق ءبىلدىرىپ، كوماندادان كەتۋگە ءماجبۇر بولاتىندارىن ايتقان. وڭتۇستىك كورەيا قۇراما كومانداسىنىڭ باس باپكەرى سارا ميۋررەي ويىنشىلاردىڭ قارسى ەكەنىن جەتكىزگەن.

- وليمپياداعا تەك 23 ادام عانا قاتىسا الادى. «ءبىزدىڭ كوماندانىڭ سپورتشىلارى ءوز ورنىمىزدان ايىرىلىپ قالامىز با؟»، - دەپ قورقىپ وتىر»، - دەيدى ول.

سپورتشىلاردىڭ بىرىگۋىنە ەل ازاماتتارى دا نارازىلىق بىلدىرۋدە. وڭتۇستىك كورەيا پرەزيدەنتىنىڭ سايتىنا ەكى ەل كوماندالارىنىڭ بىرىگىپ، ءبىر تۋدىڭ استىندا ونەر كورسەتەتىنە جۇزدەن اسا شاعىم تۇسكەن.