قازاقستان پرەزيدەنتى نۇرسۇلتان نازاربايەۆ اقتوبە وبلىسىندا جولاۋشىلار اۆتوبۋسىنىڭ ورتەنۋى سالدارىنان وزبەكستان ازاماتتارىنىڭ قايعىلى قازاعا ۇشىراۋىنا بايلانىستى كوڭىل ايتتى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساي وتىرىپ.
«ورنى تولماس قايعىعا ورتاقتاستىعىمدى بىلدىرە وتىرىپ، قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا قولداۋىم مەن نيەتتەستىگىمدى جەتكىزۋىڭىزدى سۇرايمىن. زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەسپىن» دەلىنگەن جەدەلحاتتا. سونىمەن قاتار، مەملەكەت باسشىسىنىڭ تاپسىرماسى بويىنشا وقيعانىڭ ءمان-جايى مەن سەبەپتەرىن انىقتاۋ ءۇشىن ۇكىمەتتىك كوميسسيا قۇرىلدى.
ەسكە سالا كەتسەك، سامارا-شىمكەنت تاسجولىندا اۆتوبۋس ورتەنىپ، 52 ادام قازا بولعانى تۋرالى حابارلاعانبىز. ورتەنىپ كەتكەن اۆتوبۋس تەحنيكالىق تەكسەرىستەن وتپەگەنى بەلگىلى بولدى.
