ق ر تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ساراپشىسى جۇمابەك سارابەكوۆ ق ر پرەزيدەنتى نۇرسۇلتان نازاربايەۆتىڭ بۇۇ قك وتىرىسىندا سويلەگەن سوزىنە قاتىستى پىكىر ءبىلدىردى، دەپ حابارلايدى Qamshy.kz اقپارات اگەنتتىگى Baq.kz-كە سىلتەمە بەرىپ.

«ق ر پرەزيدەنتى نۇرسۇلتان نازاربايەۆتىڭ بۇۇ قاۋىپسىزدىك كەڭەسىنىڭ وتىرىسىندا جاساعان مالىمدەمەسىن حالىقارالىق قاۋىمداستىققا دەگەن ماڭىزدى ۇندەۋ رەتىندە قاراستىرعان ءجون. قازىرگى تاڭدا حالىقارالىق قاۋىپسىزدىك دەڭگەيى تومەن ەكەنىن بايقاۋعا بولادى. الەمدە يادرولىق قارۋدى پايدالانۋ ءقاۋپى ءورشىپ تۇر. سودان سوڭ ايماقتىق جانە جالپى جاھاندىق دەڭگەيدە قارۋلى قاقتىعىستاردىڭ گەوگرافياسى كەڭەيۋدە. سولتۇستىك كورەيا توڭىرەگىندەگى داعدارىس پەن تاياۋ شىعىستاعى جالعاسىپ جاتقان قاقتىعىستار － مۇنىڭ ءبارى حالىقارالىق قاۋىپسىزدىك جاعدايىنىڭ ناشار ەكەنىنەن حابار بەرەدى. سوندىقتان قازاقستاندىق تاراپ وسى جاعدايدا الەمدىك قاۋىمداستىق مۇشەلەرىنىڭ، اسىرەسە الپاۋىت مەملەكەتتەر اراسىنداعى سەنىم شارالارىن كۇشەيتۋ كەرەكتىگى تۋرالى ايتىلۋدا. سەبەبى ولاي جاساماساق الەمدە قايتادان قارۋ-جاراق جارىسى باستالىپ كەتۋى مۇمكىن»، - دەدى ول.

ساراپشى يادرولىق قاقتىعىسقا جول بەرمەۋ كەرەكتىگىن دە اتاپ ءوتتى.

«ودان بولەك يادرولىق قارۋدان ازات ەتۋ ارەكەتتەرىن جالعاستىرۋىمىز كەرەك. قارۋ-جاراق ايماعىنىڭ، جالپى قارۋ-جاراقتىڭ كولەمىنە شەكتەۋ قويماساق جاپپاي قىرىپ-جويۋ قارۋى لاڭكەستەردىڭ قولىنا ءتۇسۋ ءقاۋپى بار. سول ءۇشىن بۇۇ-نىڭ 100 جىلدىق مەرەيتويىنا دەيىن يادرولىق قارۋدان باس تارتۋ بويىنشا ناقتى قادامدار جاساۋ قاجەت. يادرولىق قارۋى بار مەملەكەتتەردىڭ الەمدىك قاۋىمداستىعى جاۋاپكەرشىلىگىن سەزىنۋگە شاقىرىپ، يادرولىق قاقتىعىسقا ەشقاشان جول بەرمەۋ كەرەك»، - دەدى جۇمابەك سارابەكوۆ.