الماتى وبلىسىنىڭ پوليسياسى 12 جاسار وقۋشى قىزدى زورلادى دەگەن كۇدىكپەن اۋىل تۇرعىنىن ۇستادى، دەپ جازادى Qamshy.kz اقپارات اگەنتتىگى وبلىستىق ىشكى ىستەر دەپارتامەنتىنىڭ مالىمەتىنە سۇيەنىپ. 

18 قاڭتاردا ىلە اۋدانى پوليسياسىنا مەجدۋرەچەنسك اۋىلىنىڭ تۇرعىنى كەلىپ، 12 جاسار قىزىن بەلگىسىز ەر ادامنىڭ زورلاعانىنا ارىزدانعان. 

"جەدەل ءىس-شارالار بارىسىندا كۇدىكتى بىرنەشە ساعات ىشىندە انىقتالىپ، ۇستالدى. قازىرگى ۋاقىتتا كامەلەتتىك جاسقا تولماعان قىزدى زورلاۋ فاكتىسى بويىنشا قىلمىستىق تەرگەۋ باستالدى"، — دەپ حابارلادى وبلىستىق پوليسيا. 

21 جاستاعى جىگىتتىڭ كىشكەنتاي قىزدى اۋىلداعى قوناق ۇيلەردىڭ بىرىندە زورلاعانى بەلگىلى بولدى. قاسكوي الدىن الا تاپسىرىس بەرىپ قويعان بولمەگە التىنشى سىنىپ وقۋشىسىن الداپ اپارعان. 

«كۇدىكتى جىگىت جاسىنان ۇلكەن كورىنەتىن قىزبەن جىنىستىق قاتىناستىڭ ءوزارا كەلىسىم بويىنشا بولعانىن ايتادى. ءبىراق زارداپ شەگۋشى تاراپ مۇنى جوققا شىعارىپ وتىر»، – دەيدى پوليسياداعىلار.