«ەۋروحيم محك» اق قۇرامىنا كىرەتىن قازاقستانداعى «ەۋروحيم-قاراتاۋ» ج ش س كاسىپورنى فوسفوريت ۇنتاعىن وندىرۋگە ارنالعان جوبا ىسكە قوسىلعالى بەرى فوسفوريت ۇنتاعىنىڭ العاشقى ءبىر ميلليون تونناسىن ءوندىرىپ، تيەپ جونەلتتى، دەپ جازادى Qamshy.kz اقپارات اگەنتتىگى. 

«ءبىزدىڭ جوبانىڭ ءبىرىنشى كەزەڭى تابىستى اياقتالىپ، فوسفوريت ۇنتاعىن ءوندىرۋ جانە باستاپقى قايتا وڭدەۋ جونىندەگى جوبالىق قۋاتتىلىقتارعا شىقتىق. حيميالىق كەشەندى سالۋعا ارنالعان ينۆەستيسيالىق جوبانىڭ ەكىنشى كەزەڭى جوسپارلانعان تارتىپكە سايكەس جۇزەگە اسىرىلىپ جاتىر»، - دەيدى «ەۋروحيم-قاراتاۋ» ج ش س باس ديرەكتورى دميتريي ۆلاديميروۆيچ ۆالىشيەۆ. ونىڭ ايتۋىنشا، قازىرگى تاڭدا قولدانىستىق جوبالاۋ جۇمىستارى اتقارىلىپ (جۇمىستىڭ 50%-ى ورىندالعان)، حيميالىق كەشەن سالىناتىن الاڭدى دايىنداۋ ماقساتىندا جەر قازۋ جۇمىستارى جۇرگىزىلىپ جاتىر، سونداي-اق، جابدىق جەتكىزۋشىلەردى تاڭداۋ ماقساتىندا تەندەرلىك ءىس-شارالار ۇيىمداستىرىلىپ، جابدىقتى جەتكىزۋ جونىندە شارت جاساسۋ باعىتىندا جۇمىس جاسالىپ جاتىر. قازىرگى تاڭدا جوبانىڭ ەكىنشى كەزەڭىن جۇزەگە اسىرۋعا 130 ملن. اقش دوللارعا تەڭ ينۆەستيسيا قۇيىلعان.

وسىعان دەيىن حابارلانعانداي، «ەۋروحيم» كومپانياسى «مينەرالدى تىڭايتقىشتاردى شىعاراتىن زاۋىتتى سالۋ جانە قازاقستان رەسپۋبليكاسىنداعى قاراتاۋ فوسفوريت الابىنىڭ كەنورىندارىن يگەرۋ» بويىنشا ينۆەستيسيالىق جوبانى جۇزەگە اسىرۋدا. قۇرىلىستىڭ ءبىرىنشى كەزەڭى 2015 جىلدىڭ سوڭىندا اياقتاپ ءبىتىرىلدى، ال 2016 جىلى قازاقستانداعى ەۋروحيم كاسىپورىندارى جىلىنا 640 مىڭ توننا فوسفوريت ۇنتاعىن وندىرەتىن جوبالىق قۋاتتىلىعىنا شىقتى.

جوبانىڭ ءبىرىنشى كەزەڭىن جۇزەگە اسىرۋ كەزىندە 126 ملن. اقش دوللارىنا تەڭ ينۆەستيسيا قۇيىلدى. جاڭاتاس قالاسىنداعى حيميالىق كەشەنگە قۇيىلعان ينۆەستيسيالاردىڭ جالپى كولەمى 750 ملن. اقش دوللارىن قۇرادى دەپ باعالانعان. سونداي-اق، «ەۋروحيم» كومپانياسى ءوڭىردىڭ الەۋمەتتىك-ەكونوميكالىق دامۋىنا ينۆەستيسيا قۇيۋدى جالعاستىرىپ، بۇگىنگى كۇنى وسى ماقساتقا 21 ملن. اقش دوللارىن باعىتتاعان.

«ەۋروحيم-قاراتاۋ» ج ش س 2018 جىلدىڭ 18 قاڭتارىندا قايتا تىركەۋدەن ءوتىپ، ەندى رەسەيلىك «ەۋروحيم محك» اق كومپانياسىنىڭ قازاقستانداعى ەنشىلەس كاسىپورنى بولىپ تابىلادى.

كومپانيا تۋرالى انىقتاما

EuroChem Group AG - نەگىزىنەن ازوتتىق جانە فوسفورلىق تىڭايتقىشتاردى، سونداي-اق، ورگانيكالىق جولمەن سينتەزدەلگەن ونىمدەردى جانە تەمىر كەنىن وندىرەتىن الەمدەگى جەتەكشى اگروحيميالىق كومپانيا. توپ قۇرىلىمى تىگىنەن ىقپالداستىرىلعان جانە ونىڭ قىزمەت شەڭبەرىنە پايدالى قازبالار مەن كومىرسۋتەكتى وندىرۋدەن باستاپ، تىڭايتقىشاردى ءوندىرۋ، لوگيستيكاسى جانە ديستريبۋسياسىنا دەيىنگى قىزمەت تۇرلەرى كىرەدى.

ەۋروحيم كومپانياسى 2008 جىلى «سارى-تاس» اق مەملەكەتتىك اكسيالار قورجىنىن ساتىپ العان ۋاقىتتان بەرى قازاقستاندا قىزمەتىن جۇرگىزىپ كەلەدى. سول كەزەڭدە زاۋىتتىڭ ءىسسىز توقتاپ تۇرعانىنا 15 جىل بولعان-تىن. كومپانيا بارلىق بەرەشەكتەردى، سالىقتار مەن زەينەتكەرلىك اۋدارىمداردى تولەپ، جۇمىسشىلار ءوز ەڭبەكاقىلارىنا قول جەتكىزدى. 2009 جىلى جامبىل وبلىسى سارىسۋ اۋدانىنداعى جاڭاتاس قالاسىندا «ەۋروحيم-تىڭايتقىشتار» ج ش س جۇمىسىن باستادى، ال 2013 جىلى «ەۋروحيم-قاراتاۋ» ج ش س پايدا بولدى. تولىعىراق اقپاراتتى توپتىڭ سايتىنان تابا الاسىز: www.eurochemgroup.com.