سوت ساراپشىلارىنىڭ جۇمىسى قيىن. جالاقى تومەن، جۇمىس كوپ جانە ۆيچ، س گەپاتيتىن جۇقتىرۋ ءقاۋپى جوعارى دەپ جازادى Qamshy.kz اقپارات اگەنتتىگى caravan.kz-كە سىلتەمە جاساپ.

ادىلەت مينيسترلىگى مەن دەپۋتاتتار سوت ساراپتاماسىن ساپالى ەتۋ مەن مامان ءومىرىن جەڭىلدەتۋ جولدارىن قاراستىردى.

دەپۋتاتتار ءمايىتحانادا

بيىل ۇكىمەت ساعاتىنا ماجىلىسمەندەر ۇلكەن دايىندىقپەن كەلدى. ولاردىڭ كوبى قازاقستاننىڭ ءبىرقاتار وبلىستارىن ارالاعاندا ءمايىتحانالارعا دا باس سۇقتى.

– 2013 جىلى پرەمەر-مينيستر ءبىرقاتار مينيسترلىككە ءمايىتحانانى جاقسى قالىپقا كەلتىرۋدى تاپسىرعان، - دەدى ق ر ءماجىلىس ۆيسە-سپيكەرى ۆلاديمير بوجكو.

استانادا كسرو كەزىندە سالىنعان ءمايىتحانا وتە كىشكەنتاي ەكەنىن، عيماراتتىڭ قازىرگى قالا تۇرعىندارىنان بەس ەسە از ادامعا ارناپ سالىنعانىن مىسال ەتتى.

الماتى ءمايىتحاناسىنداعى جاعداي دا ناشار ەكەنىن ايتادى. «قارجى مينيسترلىگى جاڭا ءمايىتحانا قۇرىلىسىنا قارجى بولمەيدى، ال جاۋاپتى ۆەدومستۆالار بىر-بىرىنە سىلتەيدى»، – دەيدى ۆلاديمير بوجكو. ونىڭ سوزىنشە، قازاقستاندا ۆيدەوفوتوگرافيا مەن پسيحوفيلولوگيا ارقىلى ساراپتاما جاساي الاتىن ماماندار جەتىسپەيدى.

از جالاقىعا جۇمىس ىستەيتىن ساراپشى

زاڭناما جانە سوت-قۇقىقتىق رەفورما كوميتەتىنىڭ ءتوراعاسى نۇرلان ءابدىروۆ 20 جىلدىق تاجىريبەسى بار مامانداردىڭ ءوزى ايىنا 120-150 مىڭ جالاقى الاتىنىن ايتادى.

– مامانداردىڭ جۇمىسى جاۋاپكەرشىلىكتى تالاپ ەتەدى جانە جۇيكەگە سالماق تۇسىرەدى. ولار ۆيچ، تۋبەركۋلەز، س گەپاتيتىن جۇقتىرۋى مۇمكىن.

سوڭعى بەس جىلدا جۇمىس ورنىندا 56 مامان تۋبەركەلەز اۋرۋىن جۇقتىردى. ونىڭ ىشىندە دارىگەر، مەيىربيكە بار. 26 قىزمەتكەر گەپاتيتكە شالدىققان.

سوت ساراپشىلارىنا ۆيچ/سپيد-پەن اۋىرعانداردىڭ مايىتتەرىمەن جۇمىس ىستەگەندە قوسىمشا قاراجات تولەنبەيدى. بۇل ماسەلە ءالى شەشىلمەگەن.

ەكى جىل بۇرىن سوت ساراپتاماسى ادىلەت مينيسترلىگىنىڭ قۇزىرىنا وتكەندە قازاقستاندا بۇل ماماندىق مۇلدە جويىلىپ كەتە جازدادى. دەپۋتاتتاردىڭ ايتۋىنشا، اتالمىش ماماندىقتى تەك «استانا» مەديسينا ۋنيۆەرسيتەتىندە وقىتادى جانە قازۇۋ-دا عانا بىلىكتىلىكتى ارتتىرۋ كۋرسى بار.