اقش ساۋد ارابياسىن  2001 جىلى 11 قىركۇيەكتە بولعان  تەراكتىنى   «ءال كايدا» تەرروريستىك توبىمەن  بىرلەسە وتىرىپ ۇيىمداستىردى دەپ ايىپتاعان. وسىعان بايلانىستى ساۋد ارابياسى اقش-تان سوتقا بەرگەن شاعىمىن قايتىپ الۋدى تالاپ ەتىپ وتىر.  بۇل تۋرالى كورولدىكتىڭ ادۆوكاتى مايكل كەللوگ مالىمدەدى دەپ حابارلايدى Qamshy.kz اقپارات اگەنتتىگى.

ساۋد ارابياسى اقش-تىڭ ايماقتىق سوتى دجوردج دەنيەلگە «تۇجىرىمدار مەن وسەك» ايىپ تاعۋعا جەتكىلىكسىز ەكەنىن ايتقان.

قازا تاپتقان 850 ادامنىڭ تۋىستارى  مەن زارداپ شەككەن 1،5 مىڭ ادامنىڭ اتىنان ساۋد ارابياسىنا بىلتىرعى جىلدىڭ كوكتەمىندە شاعىم تۇسكەن. تەراكت قۇرباندارىنىڭ ادۆوكاتتارى ساۋد ارابياسىنىڭ قايىرىمدىلىق اتىن جامىلىپ تەرروريستەردى قارجىلاندىرعان دەگەن پىكىر ءبىلدىرىپ وتىر.

ايتا كەتەيىك، 2001 جىلى 11 قىركۇيەكتە اقش-تا تاريحتاعى ەڭ ۇلكەن تەراكتەردىڭ ءبىرى بولدى. جولاۋشىسى بار ەكى ۇشاق نيۋ-يوركتەگى ساۋدا ۇيلەرىنە سوعىلعان، ال ءۇشىنشى ۇشاق پەنتاگون عيماراتىنا قۇلاعان.  ناتيجەسىندە 3000-نان اسا ادام قازا تاۋىپ، 4000-نان كوبى جارالاندى.