Facebook الەۋمەتتىك جەلىسىنىڭ نەگىزىن قالاۋشى ءارى CEO-سى مارك سۋكەربۋرگ بيىل ەكىنشى رەت Facebook ساياساتىنا قاتىستى مالىمدەمە جاسادى دەپ جازادى Qamshy.kz

ول مالىمدەمەسىندە «باستى نازاردى 2018 جىلعا سالۋدى جالعاستىرىپ، Facebook-تەگى ۋاقىتتىڭ ءبارىمىز ءۇشىن جاقسى وتۋىنە جاعداي جاساۋ» ماسەلەسىن كوتەرگەن.

«وتكەن اپتادا وتباسى مەن دوستار اراسىنداعى ءماندى الەۋمەتتىك قارىم-قاتىناستى، ياعني ءپاسسيۆتى تۇتىنۋعا جاعداي جاساۋ ءۇشىن جاسالىناتىن ءىرى وزگەرىستەر تۋرالى مالىمدەمە جاساعان بولاتىنمىن. ناتيجەسىندە، سىزدەر Facebook-تەن برەندتەردىڭ جارناماسىن، جاڭالىقتار مەن ۆيدەو جازبالاردى قامتيتىن قوعامدىق كونتەنتتى سيرەك كورەتىن بولاسىزدار. بۇل وزگەرىستەردەن كەيىن، ءبىز لەنتاداعى جاڭالىقتاردى 4% شاماسىندا، ياعني بۇگىنگى 5%-دان ازايادى دەپ كۇتۋدەمىز. بۇل ايتارلىقتاي، ۇلكەن وزگەرىس، الايدا جاڭالىقتاردىڭ بولۋى ءارقاشان پىكىرتالاس تۋدىرىپ، ادامداردىڭ ماڭىزدى تاقىرىپتاردا وي قوزعاۋىنا سەپتىگىن تيگىزەتىنى ۇمىتپاۋ كەرەك»، - دەپ قۋانتادى Facebook تۇتىنۋشىلارىن سۋكەربۋرگ.

«بۇگىنگى جازبامدا مەن سىزدەرمەن ەكىنشى ماڭىزدى وزگەرىس تۋرالى حاباردار ەتكىم كەلەدى. سىزدەر قاراعان جاڭالىقتار از، ءبىراق جوعارى ساپالى بولۋىن قامتاماسىز ەتۋ. مەن ءونىم جاسايتىن توپقا سەنىمدى، اقپاراتتىق جانە جەرگىلىكتى جاڭالىقتار جازاتىن بۇقارالىق اقپارات قۇرالدارىنا باسىمدىلىق بەرۋدى تاپسىردىم. كەلەسى اپتادا ءبىز سەنىمدى اقپارات كوزدەرىنەن جۇمىس اتقارۋدى باستايمىز.

بۇگىنگى تاڭدا الەمدە سەنساسيا، جالعان اقپارات پەن پولياريزاسيا قاپتاپ كەتتى. الەۋمەتتىك جەلى اقپارات تاراتۋدىڭ ەڭ تەز جولى ەكەنىن ەسكەرسەك، ودان تۋىنداعان ماسەلەلەردى قازىردەن باستاپ الدىن الۋىمىز كەرەك. سەبەبى، سوڭىندا ول تىم كۇشەيىپ كەتۋى مۇمكىن. سوندىقتان، جاڭالىقتار ءتىزىمى ورتاق كوزقاراس قالىپتاستىراتىن تەك جوعارى ساپالى اقپاراتتاردان قۇرالۋى كەرەك.

ءبىزدى ويلاندىرعان ەڭ قيىن سۇراق – ول الەمدە قانداي اقپارات كوزدەرى سەنىمدى ەكەندىگىن اجىراتۋ. بۇل شەشىمدى ءبىز توبىمىزبەن قابىلداي سالۋشى ەدىك، الايدا وعان كوڭىلىمىز تولمايدى. سول سەبەپتى، ءوز ىشىمىزدەن ەمەس، سىرتتاعى ساراپشىلاردان قول ۇشىن سۇراپ، وبەكتيۆتى شەشىم قابىلداۋىن نەمەسە قولدانۋشىلاردىڭ پىكىرىن سۇراۋدى ويلادىق.
سوڭىندا ءبىز قوعامنان قاي اقپارات كوزدەرى سەنىمدىرەك ەكەندىگىن سۇراۋدى ەڭ دۇرىس شەشىم دەپ تاپتىق.

ونىڭ نەگىزىندە ءبىز ساۋالناما جاساپ، اقپارات كوزدەرىنىڭ ءتىزىمىن ۇسىنىپ، ولاردى بىلەتىندىكتەرىن جانە قانشالىقتى سەنىمدى ەكەندىگىن ايقىندايمىز. وسى قادامنىڭ بارلىعى جەلى قولدانۋشىلارىنا جاقىن ادامدارىمەن ءتيىمدى قارىم-قاتىناس ورناتۋعا جانە جوعارى ساپالى، سەنىمدى اقپاراتپەن قامتاماسىز ەتۋگە سەپتىگىن تيگىزەدى دەگەن ۇمىتتەمىن»، - دەپ اياقتالعان ەكىنشى مالىمدەمە.

سۋكەربۋرگ Facebookء-تىڭ ساياساتىن 2018 جىلى نەلىكتەن وزگەرتەتىنى تۋرالى ءبىر اپتا بۇرىن جازعان مالىمەدەسىن بلوگەر Nurlan Janai  قازاقشالاعان بولاتىن.

«2018 جىلعى ءبىزدىڭ باستى باعىتتارىمىزدىڭ ءبىرى – Facebook-كە كەتكەن ۋاقىتىمىز ءتيىمدى جۇمسالعانىنا كوز جەتكىزۋ. ءبىز Facebook-تى ادامدارمەن ءاردايىم بايلانىستا جانە ءبىز ءۇشىن ماڭىزدى جاندارمەن جاقىن بولۋعا كومەكتەسۋ ءۇشىن جاسادىق. سوندىقتان ءبىز ءارقاشان دوستارىمىز بەن وتباسىمىزدى جوبانىڭ نەگىزى سانايمىز. زەرتتەۋلەرگە سۇيەنسەك، قارىم-قاتىناستى نىعايتۋ ءبىزدىڭ جاعدايىمىزدىڭ جاقسارىپ، كوڭىل-كۇيىمىزدىڭ كوتەرىلۋىنە الىپ كەلەدى.

دەگەنمەن سوڭعى ۋاقىتتا ءبىزدىڭ قاۋىمداستىقتان العان فيدبەك (رەاكسيا، بايلانىس) بويىنشا، الەۋمەتتىك كونتەنت، اتاپ ايتار بولساق، بيزنەس، برەند جانە مەديا پاراقشالاردىڭ جازبالارى بىر-بىرىمىزبەن كوبىرەك ارالاسۋعا سەپتىگىن تيگىزەتىن جەكە ومىرلىك وقيعالاردى ىعىستىرىپ شىعارعان.

قالاي بۇنداي جاعدايعا تۇسكەنىمىز تۇسىنىكتى شىعار، سوڭعى ەكى جىلدا ۆيدەو مەن باسقا دا الەۋمەتتىك ماتەريالدار Facebook-تى كەرنەپ كەتتى. لەنتادا دوستار مەن وتباسىمىزدىڭ جازبالارىنا قاراعاندا الەۋمەتتىك ماتەريالدار كوبەيۋى فەيسبۋكتىڭ نەگىزگى مىندەتى سانالاتىن بىر-بىرىمىزبەن ارالاسۋ فۋنكسياسى اراسىنداعى كونتەنت بالانسىن بۇزىپ جىبەردى.

ءبىزدىڭ سەرۆيستەر تەك قانا ويىن-cاۋىق ءۇشىن عانا ەمەس، ادامداردىڭ ءال-اۋقاتىن جاقسارتۋعا قىزمەت ەتۋى ءۇشىن دە جاۋاپتىمىز. سوندىقتان ءبىز بۇل ءۇردىستى اكادەميالىق زەرتتەۋلەرگە سۇيەنىپ، ۋنيۆەرسيتەتتەردەگى جەتەكشى ساراپشىلارمەن ءوز زەرتتەۋلەرىمىزدى جاساي وتىرىپ، مۇقيات زەرتتەدىك.

زەرتتەۋلەر ناتيجەسىندە، ءبىز الەۋمەتتىك مەديانى جاقىن جاندارمەن بايلانىسۋ ءۇشىن قولدانساق، ول ءبىزدىڭ يگىلىگىمىز ءۇشىن قىزمەت ەتەدى ەكەن. ءبىزدىڭ كوبىرەك بايلانىستا، ال ازىراق جالعىزدىقتا قالۋىمىز باقىت پەن دەنساۋلىقتىڭ نەگىزگى كورسەتكىشتەرىنە تىكەلەي بايلانىستى. باسقا قىرىنان الساق، ماقالالاردى جاي عانا وقىپ، ۆيدەولاردى كورە سالۋ - ولار قانشا جەردەن قىزىقتى بولسا دا، ودان پايدا بولماۋى مۇمكىن.

وسىعان سۇيەنە وتىرىپ، ءبىز Facebook-تى قالاي دامىتۋعا بايلانىستى ۇلكەن وزگەرىستەر ەنگىزەمىز. جوبانى جەتىلدىرۋمەن اينالىساتىن كوماندامنىڭ ماقساتىن وزگەرتىپ، الەۋمەتتىك ءماندى قاتىناستى كۇشەيتۋشى ماتەريال تابۋ باعىتىنا باسا نازار اۋدارۋدى تاپسىردىم.

بۇل باعىتتا وزگەرىستەردى وتكەن جىلى ەنگىزە باستادىق، ءبىراق ول ءۇشىن بارلىق ونىمدەرىمىزگە وزگەرىس جاساۋ از ۋاقىتتى تالاپ ەتپەيدى. ءسىز كورەتىن العاشقى وزگەرىستەر دوستارىڭىز، وتباسىڭىز بەن توپتارىڭىزدان كوبىرەك ماتەريال كورۋ ءۇشىن جاڭالىقتار لەنتاسىنان باستالادى.

لەنتانى اينالدىرعاندا، بيزنەس، برەند جانە مەديا سياقتى الەۋمەتتىك ماتەريالداردى ازىراق كورەسىز. ونىڭ وزىندە سىزگە كورىنەتىن الەۋمەتتىك كونتەنت ادامدار اراسىنداعى ءماندى قارىم-قاتىناس جاساۋ ستاندارتىنا سۇيەنەدى.

مىسالعا، تۆ شوۋلارى مەن سپورت كوماندالارىنا تىعىز بايلانىسى بار قاۋىمداستىقتار وتە كوپ. ءبىز ادامداردىڭ جاي ۆيدەو بايلانىسقا قاراعاندا، لايۆ ۆيدەولاردا كوبىرەك قارىم-قاتىناس جاساۋىنىڭ كۋاسى بولدىق. كەيبىر جاڭالىقتار وزەكتى ماسەلەلەر تۋرالى تالقىلاۋعا مۇمكىندىك بەرەدى. دەگەنمەن بۇگىندە ءجيى ۆيدەو قاراۋ، جاڭالىق وقۋ جانە پاراقشانى جاڭارتۋ جاي عانا پاسسيۆ تاجىريبە بولىپ تۇر.

اشىعىن ايتاتىن بولسام، بۇل وزگەرىستەردەن سوڭ، ادامداردىڭ Facebook-تا ۋاقىت وتكىزۋى مەن تاۋەلدى بولىپ قالۋ كورسەتكىشى تومەندەيدى. سونداي-اق، ءسىزدىڭ Facebook-تا وتكىزگەن ۋاقىتىڭىز باعالى بولادى دەپ ويلايمىن. ەگەر ءبىز وسىنى دۇرىس جاساي الساق، قاۋىمداستىق ءۇشىن دە، بيزنەس ءۇشىن دە ۇزاق مەرزىمدە ۇتىمدى بولاتىنىنا سەنىمدىمىن.

اسىلىندا Facebook ءاردايىم جەكە قارىم-قاتىناسقا نەگىزدەلگەن. مەيلى دوستارىڭىزبەن، وتباسىڭىزبەن بولسىن نەمەسە الەمدەگى ماڭىزدى وقيعالار اياسىندا بولسىن، ادامداردىڭ بىر-بىرىنە جاقىن بولۋىنا باسا نازار اۋدارىپ، Facebook-تا وتكىزگەن ۋاقىتىڭىز بوسقا كەتپەگەنىنە سەنىمدى بولۋىڭىز ءۇشىن بارىمىزدى سالامىز».

(c) مارك سۋكەربەرگ