بۇرىندارى قىلمىستىق جاۋاپقا تارتىلعان 50 جاستاعى الماتى وبلىسىنىڭ ك.، ەسىمدى تۇرعىنى تۇزەلۋدىڭ ورنىنا كەزەكتى ءبىر زاڭ بۇزۋشىلىقتىڭ كۇدىكتىسى اتاندى. الاياقتىق جاساپ، اڭعال ازاماتتاردىڭ سەنىمىن پايدالانىپ، ءىرى كولەمدەگى اقشانى يەمدەنىپ كەتكەن، دەپ جازادى Qamshy.kz اقپارات اگەنتتىگى. 

«بۇل جولى ك. سوتتىڭ الدىنا الاياقتىق ارەكەتى ءۇشىن بارماق. شەنەۋنىكتەردىڭ اراسىندا تانىستارى بار ەكەندىگىن ايتىپ، ادامدارعا زاڭدى، ازاماتتىق جانە قىلمىستىق ماسەلەلەردى شەشىپ بەرە الاتىندىعىن ايتقان. ءبىراق، ەشقانداي دا قىزمەت كورسەتپەگەن. وزىنە حابارلاسقان ايەلدىڭ تالاس تۋدىرعان سۇراعىن شەشىپ بەرۋ ءۇشىن 17 مىڭ دوللار تالاپ ەتكەن. اقشانى الىپ، ۋادەسىن ورىنداماعان ايلاكەردىڭ ۇستىنەن ق ر قىلمىستىق كودەكسىنىڭ 190 بابى، 4 تارماعىنا سايكەس ءىس قوزعالدى»،-دەدى مەدەۋ ءىىد پوليسيا مايورى بولات توتىبايەۆ.