«Astana Taxi» بىرەگەي قىزمەتى «قايىرىمدى ساپار» الەۋمەتتىك اكسياسىن باستادى جانە جولاۋشىلاردى تەگىن تاسىمالداۋ ءۇشىن 11 اۆتوكولىك ۇسىنباق، دەپ حابارلايدى Qamshy.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساي وتىرىپ. 

جولاۋشىلارعا تاكسوموتور كومپانياسىنىڭ ەسەبىنەن قىزمەت كورسەتىلەدى. 

«اكسيا ەلوردا تۇرعىندارى مەن قوناقتارىنا ارنالعان. جۇرگىزۋشىلەر قالانى ارالاپ، توقتاپ، تەگىن جەتكىزىپ تاستاۋدى وزدەرى ۇسىنادى. اكسيا بارىسىندا بالاسى بار جولاۋشىلار مەن جاسى ۇلكەن ادامدارعا ارتىقشىلىق بەرىلەدى»، - دەلىنگەن «Astana Taxi» باسپا ءسوز قىزمەتىنىڭ حابارلاماسىندا. 

اكسيا 24-25 قاڭتار ارالىعىندا ساعات 8.00-دەن 19.00-گە دەيىن جالعاسادى. ءىس-شاراعا التى تاكسوموتور كومپانياسى قاتىسادى. 

«اكسيامىزعا بارلىق كاسىپكەرلەر مەن بيزنەس-قاۋىمداستىقتاردى وسىنداي قيىن كەزەڭدە قالىس قالماۋعا شاقىرامىز»، – دەيدى تاكسي قىزمەتى.