بۇگىن ق ر اقپارات جانە كوممۋنيكاسيالار ءمينيسترى داۋرەن ابايەۆ وتاندىق سەريالداردى ءتۇسىرۋ جۇمىسى بويىنشا بايانداپ بەردى، دەپ xابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

ءمينيستردىڭ ايتۋىنشا، بۇگىندە وتاندىق سەريالداردى دامىتۋ جۇمىسىنا نەگىزگى باسىمدىق بەرىلىپ وتىر. بۇل - مەملەكەت باسشىسىنىڭ تىكەلەي تاپسىرماسى.

«ءبىز xالقىمىزدىڭ ءسالت-داستۇرىن، تاريxى مەن ەرەكشە قۇندىلىقتارىن ناسيxاتتايتىن تەلەونىمدەرگە باسا نازار اۋدارىپ وتىرمىز. ماسەلەن، وتكەن جىلى ءارتۇرلى جانر مەن تاقىرىپتا 40 سەريال كورەرمەنگە ۇسىنىلدى. وتاندىق تەلەxيكايالاردى تەك مەملەكەتتىك ارنالارعا ەمەس، كوممەرسيالىق تەلەارنالارعا دا تاپسىرعان بولاتىنبىز. ول سەريالدار ارقىلى قوعامنىڭ الەۋمەتتىك تۇستارى - وتباسىلىق قۇندىلىقتار، بەرەكە مەن بىرلىكتى ناسيxاتتاپ، xالقىمىزدىڭ باي تاريxى مەن ءداستۇرىن كورسەتۋگە تىرىستىق»، - دەدى د.ابايەۆ «قازمەديا» ورتالىعىندا وتكەن كەزدەسۋدە.

داۋرەن اسكەربەك ۇلى سەريالداردىڭ رەيتينگى بىردەن كوتەرىلمەيتىنىن جەتكىزدى. سەبەبى كورەرمەن قاۋىمنىڭ تالعامى ءارالۋان.

«ەڭ باستىسى، وسى جۇمىستار شىعارماشىلىق توپتاردىڭ كاسىبي دەڭگەيىن وسىرۋگە ىقپال ەتەدى دەپ سەنەمىز. ءبىز قۇرمەتتى كورەرمەندەرىمىز بەن زيالى قاۋىمنىڭ پىكىرىن دە ءبىلىپ وتىرمىز.

«ەكراندى شەتەلدىك سەريالدار جاۋلاپ الدى» دەپ جاتقاندار دا بار. سوندىقتان ءبىز الدىمىزعا اۋقىمدى ستراتەگيالىق ماقسات قويدىق. ول ماقساتىمىز - ساپالى وتاندىق تەلەفيلمدەردىڭ سانىن ارتتىرۋ، كورەرمەن تالعامىنا ساي جاقسى سەريالداردى ءتۇسىرۋ»، - دەپ اتاپ كورسەتتى د.ابايەۆ.

ق ر اقپارات جانە كوممۋنيكاسيالار ءمينيسترى داۋرەن ابايەۆ مەملەكەتتىك-اقپاراتتىق تاپسىرىستىڭ تيىمدىلىگىن ءتۇسىندىرىپ بەردى.

«بۇگىندە مەملەكەتتىك-اقپاراتتىق تاپسىرىستى سىنايتىندار از ەمەس. اتالعان تاجىريبەدەن باس تارتۋ قاجەت دەيدى. ءدال ءقازىر ولاي ىستەۋگە بولمايدى. مەملەكەتتىك سۋبسيديالاۋدان تولىعىمەن باس تارتساق، قازاقستاندىق مەديا كەڭىستىكتىڭ دامۋىن تەجەيمىز. نەگە؟ سەبەبى مەملەكەتتىك-اقپاراتتىق تاپسىرىس اياسىندا جاڭا جوبالارعا قولداۋ جاسالادى، وتاندىق پروداكشن-يندۋسترياسىنا قارجى قۇيىلادى. سونىڭ ارقاسىندا مەديا نارىق دامىپ جاتىر»، - دەدى د.ابايەۆ بۇگىن «قازمەديا» ورتالىعىندا.

ءمينيستردىڭ ايتۋىنشا، مەملەكەتتىك سۋبسيديالاۋ ارقىلى شەتەلدىك كونتەنتتىڭ ۇلەسىن ازايتۋعا مۇمكىندىك بار.

«مەن بىلەمىن، كەيبىرەۋلەر مەملەكەتتىك-اقپاراتتىق تاپسىرىستى توقتاتۋ قاجەت دەپ سانايدى. ولاي ىستەسەك، شەتەلدىك كونتەنتتىڭ ۇلەسى ارتادى. ءقازىر بارلىق دەرلىك رەسپۋبليكالىق ارنالاردا وزگە ەلدىڭ ونىمدەرىن ساتىپ الۋ كولەمى قىسقارىپ جاتىر. سونىڭ ورنىنا ءوزىمىزدىڭ سەريالدارىمىز، دەرەكتى فيلمدەرىمىز بەن توك-شوۋلارىمىز كەلدى. ۇشىنشىدەن، جەكەمەنشىك ارنالارعا بولىنگەن مەملەكەتتىك تاپسىرىس قارجىسىن قازاق ءتىلدى باعدارلامالاردىڭ سانىن ارتتىرۋعا باعىتتالادى. مەملەكەتتىك ءتىلدى ءبىز وسى ارقىلى دا قولدايمىز. تورتىنشىدەن، مەملەكەتتىك سۋبسيديالاۋ «بالاپان»، «قازسپورت» پەن «ەلارنا» سياقتى كوممەرسيالىق جاعىنان ءتيىمسىز جوبالاردى جۇرگىزۋگە مۇمكىندىك بەرىپ وتىر. بەسىنشىدەن، مەملەكەتتىك-اقپاراتتىق تاپسىرىس اياسىندا ءبىز سيفرلىق تەxنولوگيالاردى دامىتىپ، تەلەارنالاردى xالىققا تەگىن تاراتىپ جاتىرمىز»، - دەپ اتاپ كورسەتتى د.ابايەۆ.

ايتا كەتەيىك، وتكەن جىلى مەملەكەتتىك اقپاراتتىق تاپسىرىس اياسىندا 40 تەلەسەريال تۇسىرىلگەن بولاتىن. اتالعان كورسەتكىش ءبىر جىل بۇرىن بولعان مەجەدەن ەكى ەسەگە ارتىق.