انتيسيكلوننىڭ اسەرىنەن قازاقستاننىڭ باسىم وبلىستارىندا جاۋىن-شاشىنسىز اۋا-رايى ساقتالادى، تەك باتىستىڭ، سولتۇستىكتىڭ كەي جەرلەرىندە ازداعان جاۋىن-شاشىن كۇتىلەدى. رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، جاياۋ بۇرقاسىن، وڭتۇستىك-باتىستا كوكتايعاق كۇتىلەدى. بۇل تۋرالى Qamshy.kz اقپارات اگەنتتىگى قازگيدرومەتكە سىلتەمە بەرىپ حابارلايدى.

                وڭتۇستىك قازاقستان، قىزىلوردا وبلىستارىنىڭ كەي جەرلەرىندە جەل 18-23، ەكپىنى 30 م/س اسا كۇشەيۋى  كۇتىلەدى، وڭتۇستىك قازاقستان وبلىسىنىڭ تاۋلى ايماقتارىندا جاياۋ بۇرقاسىن بولادى. اقتوبە وبلىسىنىڭ كەي جەرلەرىندە كەي جەرلەردە جەلدىڭ كۇشى 15-20،  مۋگودجار اۋدانىندا 25، ەكپىنى 30 م/س اسا كۇتىلەدى. جامبىل وبلىسىنىڭ كەي جەرىندە جاياۋ بۇرقاسىن، تۇمان، جەلدىڭ 15-23 م/س كۇشەيۋى كۇتىلەدى. اقمولا، قوستاناي وبلىستارىنىڭ كەي جەرلەرىندە جاياۋ بۇرقاسىن بولىپ، جەل 15-20 م/س كۇشەيەدى. كۇندىز الماتى وبلىسىنىڭ كەي جەرلەرىندەجەل 15-20 م/س كۇشەيەدى. ماڭعىستاۋ، باتىس قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان كۇتىلەدى، ماڭعىستاۋ وبلىسىندا كوكتايعاق، قاراعاندى وبلىسىندا جەل 15-20 م/س كۇشەيەدى.

       الماتى، قاراعاندى وبلىستارىنىڭ كەي جەرلەرىندە وتە قاتتى اياز كۇتىلەدى. جامبىل، وڭتۇستىك قازاقستان، شىعىس قازاقستان وبلىستارىندا قاتتى اياز بولادى.