قازىرگى وقۋشىلار مەكتەپتەگى ساباقتاردان قاشىپ قۇتىلۋ ءۇشىن كەز كەلگەن ايلاعا بارادى. الايدا قىتايدا سەگىز جاستاعى ءبۇلدىرشىن بارلىق ساۋساق بىردەي ەمەس ەكەندىگىن دالەلدەدى. ول ۇسكىرىك ايازعا قاراماستان ەمتيحان تاپسىرۋ ءۇشىن  بەس شاقىرىم قاشىقتىقتا ورنالاسقان مەكتەپكە جاياۋ ءجۇرىپ بارعان. كىشكەنتاي ءبۇلدىرشىننىڭ بۇل ىس-ارەكەتى جەلىدە قازۋ تالقىعا سالىنىپ، ءوزى «قار ادامى» دەگەن اتقا يە بولدى، دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

مەكتەپتە ەمتيحان بولعان كۇنى اۋا تەمپەراتۋراسى -9 سەلسيا گرادۋسقا تومەندەگەن. الايدا مۇنداي اۋا رايى سەگىز جاستاعى بالانى توقتاتا المادى. ول ارى قاراي ءبىلىمىن جالعاستىرۋ ءۇشىن 5 كم ءجۇرىپ ءوتىپ، ەمتيحانعا كەلگەن. بەلگىلى بولعانداي، بۇل بالا كەدەي وتباسىدا تاربيەلەنەدى ەكەن جانە دە قۇرداستارىنىڭ اراسىندا كوپ مازاققا قالادى. ول ءبىلىم الۋ ارقىلى بولاشاقتا ءوزىنىڭ وتباسىن قامتاماسىز ەتە الاتىندىعىنا سەنەدى.

مەكتەپكە جەتكەنشە بالا قاتتى توڭىپ قالعان، سەبەبى باس كيىمسىز، جەڭىل كۇرتەشەمەن كەلگەن ەكەن. ال ونىڭ قولدارى قاتتى ايازدىڭ سالدارىنان ءۇسىپ قالعان. دەگەنمەن سەگىز جاستاعى وقۋشى ماڭىزدى ەمتيحانعا ۇلگەرىپ كەلگەندىگىنە قاتتى قۋاندى.

ءبىلىم ورداسىنىڭ ديرەكتورى كەدەي وتباسىنان شىققان وقۋشىلارعا تەگىن تاڭعى اس بەرۋ ارقىلى كومەك كورسەتىپ جاتقاندىعىن ايتتى. الايدا قارجىلاي كومەك كورسەتۋگە جاعداي جوقتىعىن ايتىپ، ءتىپتى مەكتەپتەگى سىنىپتاردى جىلىتۋعا قاراجات تاپپاي وتىرعاندىعىن مالىمدەدى.