«قازگيدرومەت» رمك 26 قاڭتارعا ارنالعان اۋا رايى بولجامىن جاريالادى، دەپ جازادى Qamshy.kz اقپارات اگەنتتىگى.

رەسپۋبليكانىڭ كەي جەرلەرىندە جەل كۇشەيىپ، تۇمان مەن جاياۋ بۇرقاسىن كۇتىلەدى.

وڭتۇستىك قازاقستان، قىزىلوردا وبلىستارىنىڭ كەي جەرلەرىندە 18-23 م/س جىلدامدىقتاعى جەلدىڭ ەكپىنى 30 م/س ارتۋى مۇمكىن. وڭتۇستىك قازاقستان وبلىسىنىڭ تاۋلى ايماقتارىندا جاياۋ بۇرقاسىن بولادى. 

اقتوبە وبلىسىنىڭ كەي جەرلەرىندە جاياۋ بۇرقاسىن ءجۇرىپ، جەلدىڭ كۇشى 18 م/س ارتادى،  مۋگودجار اۋدانىندا ونىڭ ەكپىنى 23-28 م/س جەتپەك.

جامبىل، شىعىس قازاقستان، قوستاناي وبلىستارىنىڭ كەي جەرلەرىندە جاياۋ بۇرقاسىن، تۇمان، 15-20 م/س ەكپىندەگى جەل كۇتىلەدى، جامبىل وبلىسىندا جەلدىڭ جىلدامدىعى 23 م/س دەيىن كۇشەيەدى. 

قاراعاندى، ماڭعىستاۋ وبلىستارىنىڭ كەي جەرلەرىندە تۇمان كۇتىلەدى، جەل 15-20 م/س كۇشەيەدى. 

اتىراۋ وبلىسىنىڭ كەي جەرلەرىندە جەلدىڭ جىلدامدىعى 15-20 م/س ارتادى.  

باتىس قازاقستان، پاۆلودار وبلىستارىنىڭ كەي جەرلەرىندە تۇمان بولۋى ىقتيمال.

الماتى، جامبىل، قاراعاندى، شىعىس قازاقستان  وبلىستارىنىڭ كەي جەرلەرىندە قاتتى اياز ساقتالادى. ۇسكىرىك اياز سونداي-اق وڭتۇستىك قازاقستان وبلىسىنىڭ جەكەلەگەن اۋماقتارىندا كۇتىلەدى. 

اقمولا، پاۆلودار، قىزىلوردا وبلىستارىنىڭ كەي جەرلەرىندە دە اۋا تەمپەراتۋراسى كۇرت تومەندەيدى.