المالى اۋداندىق سوتىندا م.اۋەزوۆ اتىنداعى قازاق مەملەكەتتىك اكادەميالىق تەاترىنىڭ ەكس-ديرەكتورى ەرلان ءبىلالدىڭ ءىسى بويىنشا سوت تالقىلاۋى باستالدى، دەپ حابارلايدى Qamshy.kz اقپارات اگەنتتىگى قازاقپارات cايتىنا سىلتەمە جاساي وتىرىپ.

سوت بارىسىندا ەرلان ءبىلالدىڭ قورعاۋشىسى ءىستى جۋرناليستەردىڭ قاتىسۋىنسىز تالقىلاۋعا ءوتىنىش ءبىلدىردى.

سۋديا تاراپتاردى تىڭداي كەلە جۋرناليستەرگە بەينەكامەرا مەن سۋرەتكە تۇسىرۋگە تىيىم سالدى.

ءبىراق، ب ا ق وكىلدەرى سوت وتىرىسىنا قاتىسىپ، اۋديوجازبا جۇرگىزە الادى.

سوت وتىرىسىندا بەلگىلى اكتەرلار بولات ءابدىلمانوۆ، ءاسانالى اشىموۆتەر بولدى. ءىس ماتەريالدارىنا سايكەس، ەرلان ءبىلال «سەزام» قايىرىمدىلىق شىعارماشىلىق قورىنىڭ باسشىسى قايرات بايانوۆتان 1،5 ملن تەڭگە كولەمىندە پارا الماق بولعان. بۇل قارجىعا تەاتر عيماراتىندا بالالارعا ارنالعان قويىلىم ءوتۋى ءتيىس بولاتىن. «كۇدىكتى تەرگەۋ كەزىندە ءوز كىناسىن تولىق مويىندادى. ونىڭ كىناسى ءىس ماتەريالدارىمەن دالەلدەندى»، — دەدى مەملەكەتتىك ايىپتاۋشى. بۇگىن ەرلان ءبىلال ءوزىنىڭ ارەكەتىنە قاتىستى تۇسىنىكتەمە بەردى.

«سىياقى تۋرالى كەلىستىك، 2 قاڭتاردا كەزدەستىك. ول ماعان 600 مىڭ تەڭگە، 4 قاڭتاردا 900 مىڭ تەڭگە بەردى. سول كەزدە مەن ۇستالدىم. ءوز كىنامدى تولىق مويىندايمىن. باس كەزىندە بايانوۆ ماعان ءوزى كەلىپ سويلەسىپ جۇرەتىن. بىزدە جىلدا بالالارعا ارنالعان قويىلىمدار، شىرشالار وتەدى. ول ءوزى ماعان العىس ءبىلدىرۋ ءۇشىن كەلدى. 600 مىڭدى قايدا جىبەرگەنىم ەسىمدە جوق. قارىزدارىمدى تاراتتىم. ماعان ەشكىم قىسىم جاساعان جوق، مەن كىنامدى ءوز ەركىممەن مويىنداپ وتىرمىن»، — دەدى ەرلان ءبىلال. «سەزام» قايىرىمدىلىق شىعارماشىلىق قورىنىڭ باسشىسى قايرات بايانوۆ سوتتا كۋاگەر رەتىندە جاۋاپ بەرەدى.

ايتا كەتۋ كەرەك، م.اۋەزوۆ اتىنداعى قازاق مەملەكەتتىك اكادەميالىق تەاترىنىڭ ەكس-ديرەكتورى ەرلان ءبىلال تەاتر عيماراتىندا 900 مىڭ تەڭگەمەن ۇستالعان بولاتىن. الماتى قالاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ حابارلاۋىنشا، كۇدىكتى كىناسىن موينىنا العاندىقتان، كەپىلمەن بوساتىلعان بولاتىن. كەيىنىرەك سوت سانكسياسى نەگىزىندە كۇدىكتى 1 ملن 205 مىڭ تەڭگە كولەمىندە كەپىل سوماسىن تولەدى. ەرلان ءبىلالعا ق ر قك 366-بابىنىڭ 2ء-بولىمى، 24-بابىنىڭ 3ء-بولىمى بويىنشا ايىپ تاعىلىپ وتىر.