25 قاڭتار كۇنى الماتىدا «ىستامبۇلدان شىققان قازاق» اتتى دەرەكتى ءفيلمنىڭ تۇساسۋ كەسەرى ءوتتى، دەپ جازادى Qamshy.kz ءتىلشىسى.

فيلمدە التايدان انادولىعا اۋعان قازاقتاردىڭ تاعدىرى باياندالادى. باس كەيىپكەر ءمۇفتيحان اقساقال 1943 جىلى قىتايدا تۋعان. ول 1951 جىلى بوسقان كوشپەن بىرگە تۇركياعا جەتكەن. 1999 جىلى ەلگە ورالعان قاريا قازاقستانداعى تۇرمىسىنا شۇكىرشىلىك ەتىپ، ءوزىنىڭ وتكەن ءومىرىن باياندايدى. ال، تۇرىك توپىراعىندا تۋىپ-وسكەن ءىلياس كەرىم اتاجۇرتقا كەلۋدى ارماندايدى.

ءفيلمدى دوسىم ساتبايەۆتىڭ جەكە مادەني-اعارتۋشىلىق قورىنىڭ قولداۋىمەن رەجيسسەر رايحان راحيم تۇسىرگەن. رەجيسسەر ءفيلمدى اشارشىلىق جىلدارى بوسقىن بولىپ شەتكە اۋىپ، 1954 جىلى ەلگە ورالعان، وقىعان ينتەللaيگەنسيا بولعانىنا قاراماستان ءومىرىنىڭ سوڭىنا دەيىن وت جاعۋشى بولىپ جۇمىس ىستەگەن اتاسى توقاي مايلىقاراۇلىنا ارناعان.