تەلەجۇرگىزۋشى دينارا ءساتجان جۋرناليست عاليا يدوياتوۆاعا بەرگەن سۇحباتىندا نەلىكتەن «Qazaqstan» ۇلتتىق ارناسىندا جۇمىس ىستەۋگە بەل بۋعانىن جانە قازاق ءتىلىن قالاي ۇيرەنگەندىگى جونىندە ايتتى دەپ حابارلايدى Qamshy.kz اقپارات اگەنتتىگى Today.kz سايتىنا سىلتەمە جاساپ.

دينارانىڭ ايتۋىنشا، «قازاقستان» ارناسىندا جۇمىس ىستەي ءجۇرىپ ءوزىنىڭ قازاق ءتىلىن ايتارلىقتاي دەڭگەيدە دامىتقان.

«مەن قازاقشا سويلەي الامىن. مەن قازاق ءتىلىن بىلەمىن»، — دەگەن دينارا ءساتجان ءارى قاراي سۇحباتىن ورىس تىلىندە جالعاستىردى. 

«ماعان ورىس ءتىلى كوپ مۇمكىندىكتەر بەردى. ورىس ءتىلىنىڭ ارقاسىندا مەن ءوز ەلىمدە كوپ دۇنيەنى ءتۇسىنىپ، تانىمال جۋرناليست اتاندىم. ءبىراق ءقازىر قازاق ءتىلدى ورتامەن ارالاسقان قاتتى ۇناپ ءجۇر. مەن قازاق ءتىلدى كىتاپتاردى كوپ وقىپ، قازاق ءتىلىمدى ايتارلىقتاي دامىتا الدىم»، دەيدى دينارا ءساتجان.