لاتۆيانىڭ airBaltic كومپانياسى 2018 جىلدىڭ 29 ساۋىرىنەن باستاپ الماتى مەن ريگا اراسىنا جازعى ماۋسىمداعى اۋە رەيسىن ىسكە قوساتىن بولدى، دەپ جازادى Kapital.kz.

«ءبىز ءقازىر الماتىعا  تىكەلەي اۋە رەيسىن اشىپ وتىرعان  سولتۇستىكەۋروپالىق العاشقى اۋە كومپانياسى بولىپ وتىرمىز. ريگا-الماتى مارشرۋتى بىزدەگى ەڭ ۇزاق باعىتتار بويىنشا ەكىنشى بولىپ تۇر»،- دەدى airBaltic كومپانياسىنىڭ ديرەكتورى  مارتين گاۋسس.

ونىڭ ايتۋىنشا،  جاڭا اۋە باعىتى قازاقستان مەن بالتىق ەلدەرىنىڭ جولاۋشىلارى ءۇشىن جاڭا مۇمكىندىكتەرگە جول اشپاق. سەبەبى اتالمىش باعىت ارقىلى ەۋروپا، سكانديناۆيا، رەسەي، تاياۋ شىعىس ەلدەرى قامتىلادى.

airBaltic كومپانياسى الماتى — ريگا باعىتىندا اپتاسىنا ءۇش رەت  Bombardier CS300 جاڭا ۇشاعىمەن جولاۋشى تاسىمالداماق. ۇشۋ ۋاقىتى شامامەن – 5 ساعات 45 مينۋت. بيلەت قۇنى ءبىر باعىتقا 159 ەۋرودان باستالادى ەكەن. ونىڭ ىشىنە قۇجاتتىق شىعىندار تۇگەل كىرەدى.