2017 جىلى قازاقستانداعى ءدىني زەرتتەۋلەر بويىنشا 3 751 تىيىم سالىنعان ماتەريالدار مەن ۆەب-سايتتار انىقتالدى، دەپ حابارلايدى Qamshy.kz اقپارات اگەنتتىگى ق ر ءدىن ىستەرى جانە ازاماتتىق قوعام مينيسترلىگىنىڭ باسپا ءسوز قىزمەتىەنە سىلتەمە جاساي وتىرىپ.

ۆەدومستۆو سايتىندا جاريالانعان حاباردا ايتىلعانداي، قازاقستاندا ءدىني ساراپتاما بارىسىندا تىيىم سالىنعان ماتەريالدار مەن سايتتار انىقتالدى.

2017 جىلى ق ر ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى جۇرگىزگەن ءدىني ساراپتاما جۇمىستارى بارىسىندا 4332 ماتەريالعا (ءدىني ادەبيەتتەر، ءدىني باعىتتاعى باسقا دا ماتەريالدار) زەرتتەۋ جۇمىستارى جۇرگىزىلدى. ونىڭ ىشىندە196 نىسانعا تەرىس قورىتىندى بەرىلدى.

ءدىني ساراپتاما جۇرگىزۋدىڭ نەگىزگى مىندەتى - كونستيتۋسيا نورمالارى مەن قازاقستان رەسپۋبليكاسىنىڭ زاڭناماسىنا، ازاماتتاردىڭ قۇقىقتارى مەن بوستاندىقتارىنا تەرىس اسەر ەتەتىن زاڭبۇزۋشىلىقتاردى انىقتاپ، ولارعا ساراپتاما جۇرگىزۋ بولىپ تابىلادى.

ءدىنتانۋ ساراپتاماسىنىڭ وبەكتىلەرىنە ءدىني مازمۇنداعى جانە ءدىني باعىتتاعى نىسانداردى قامتيتىن اقپاراتتىق ماتەريالدار، رۋحاني (ءدىني) ءبىلىم بەرۋ باعدارلامالارى، جارعىلىق جانە ءدىني مازمۇنداعى باسقا دا قۇجاتتار جاتادى.

بۇل رەتتە ءدىني ادەبيەتتى، ءدىني مازمۇنداعى باسقا دا اقپاراتتىق ماتەريالداردى، زاتتاردى تاراتۋ ءدىني عيماراتتاردا (قۇرىلىمداردا)، رۋحاني (ءدىني) ءبىلىم بەرۋ ۇيىمدارىندا، سونداي-اق استانا مەن رەسپۋبليكالىق ماڭىزى بار قالالاردا، وبلىستاردىڭ جەرگىلىكتى اتقارۋشى ورگاندارىمەن ارنايى بەلگىلەنگەن ستاسيونارلىق ورىنداردا عانا رۇقسات ەتىلەدى. ەلىمىزدە ءدىني ماتەريالدار مەن بۇيىمداردى ساۋدالاۋعا ارنالعان 257 ارنايى ورىن بار.

جەكە پايدالانۋعا ارنالعان زاتتاردى قوسپاعاندا، قازاقستان رەسپۋبليكاسىنىڭ اۋماعىنا ءدىني مازمۇنداعى اقپاراتتىق ماتەريالداردى اكەلۋدى ءدىني ساراپتامانىڭ وڭ قورىتىندىسىن العاننان كەيىن عانا تىركەلگەن ءدىني بىرلەستىكتەر جۇزەگە اسىرادى.

بۇدان بولەك، ءدىني راديكاليزم مەن ەكسترەميزمدى ناسيحاتتاۋعا قارسى ءىس-قيمىل ينتەرنەت-رەسۋرستاردى تالداۋ ارقىلى جۇزەگە اسىرىلادى. ماسەلەن، 2017 جىلى تەك ءدىن ىستەرى جانە ازاماتتىق قوعام مينيسترلىگى 10174 ينتەرنەت-رەسۋرستىڭ مازمۇنىنا ساراپتاما جۇرگىزىپ، ونىڭ ىشىندە 3555 سايتتىڭ زاڭ بۇزۋشىلىق باعىتتاعى قىزمەتىن انىقتادى.

زاڭبۇزۋشىلىقتار انىقتالعان سايتتار بويىنشا تەرىس ساراپتامالىق قورىتىندىلار ق ر اقپارات جانە كوممۋنيكاسيالار مينيسترلىگىنە ءتيىستى پروسەسسۋالدىق شەشىم قابىلداۋ ءۇشىن جىبەرىلەدى.