25 قاڭتاردا استانادا ق ر كاسىپوداقتار فەدەراسياسى مەن قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعىنىڭ بىرلەسىپ ۇيىمداستىرۋىمەن «كاسىپوداقتار: جاڭارۋ مەن جاڭعىرۋ جولىندا» رەسپۋبليكالىق فورۋمى ءوتتى. فورۋمعا ەلىمىزدىڭ بارلىق اۋداندارىنان اۋماقتىق جانە سالالىق كاسىپوداقتار وكىلدەرى، ق ر پارلامەنت دەپۋتاتتارى، ق ر ءبىلىم جانە عىلىم مينيسترلىگى مەن جوعارى وقۋ ورىندارىنىڭ وكىلدەرى قاتىستى. وسى شارا ەلباسىنىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىن جۇزەگە اسىرۋ اياسىندا ۇيىمداستىرىلدى.   

فورۋمدى اشقان ق ر كاسىپوداقتار فەدەراسياسىنىڭ ءتوراعاسى باقىتجان ءابدىرايىم جولداۋدىڭ نەگىزگى ەرەجەلەرى مەن تەزيستەرى كاسىپوداقتاردىڭ قىزمەتىمەن تىكەلەي بايلانىستى ەكەندىگىن اتاپ ءوتتى. كاسىپوداقتاردىڭ قىزمەتىن تۇبەگەيلى رەفورمالاۋ ماقساتىندا ورتاشا مەرزىمدى كەزەڭگە فەدەراسيانى جاڭعىرۋدىڭ «جول كارتاسى» ازىرلەندى. بۇل ءوز كەزەگىندە قازاقستانداعى كاسىپوداقتار قوزعالىسىنا جاڭا لەپ بەرۋى ءتيىس. 

سونداي-اق، فورۋمدا ءسوز العان قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى مايرا امانتايەۆا سالالىق كاسىپوداق قوزعالىسىنىڭ ماڭىزدى باعىتتارىنىڭ ءبىرى ۇستازداردىڭ قۇقىعىن قورعاۋ قاجەتتىگىن ءتۇسىنۋ، ولاردىڭ ءبىلىم الۋ دەڭگەيىن ارتتىرۋ، ۇستازدار مەن عالىمداردىڭ الەۋمەتتىك-ەكونوميكالىق الەۋەتىنە جاردەمدەسۋ بولىپ تابىلاتىندىعىن ايتتى. 

فورۋم بارىسىندا كوتەرىلگەن ماسەلەلەردىڭ ءبىرقاتارى ق ر كاسىپوداقتار فەدەراسياسى ازەرلەگەن «جول كارتاسىندا» ءوز كورىنىسىن تاپتى. وسى قۇجاتتا الەۋمەتتىك ادىلدىك جانە ارىپتەستىك قاعيدالارىن العا باستىرۋ، الەۋمەتتىك-ەڭبەك قاتىناستارىن ارتتىرۋ، كاسىپوداقتاردى كۇشەيتۋ جانە نىعايتۋ ءۇشىن ناقتى ماقساتتار ايقىندالعان. «جول كارتاسى» ەلىمىزدەگى قۇقىقتىق جاپپاي وقۋدىڭ ءبىرىڭعاي جۇيەسىن قۇرۋدى، رەسپۋبليكالىق ءۇشجاقتى كوميسسيا (رۇك) جۇمىسىن جاڭعىرتۋدى، بەكىتىلگەن ۇجىمدىق شارتتاردىڭ ساپاسى مەن مولشەرىن ارتتىرۋدى قاراستىرادى. بۇگىنگى تاڭدا قازاقستان بويىنشا بارلىعى 34،4% (77 125) ۇجىمدىق شارتتار بەكىتىلگەن، سونىمەن بىرگە بيۋدجەتتىك سالادا بۇل كورسەتكىش 90% تەڭ.

وسى رەتتە قازاقستاننىڭ كاسىپوداقتارى جۇمىس بەرۋشىلەرمەن تىعىز قارىم-قاتىناس ورناتۋ ارقىلى جۇمىس ورىندارىنىڭ ساقتالۋىن قامتاماسىز ەتۋدە: قازىرگى كەزدە جۇمىس ورىندارىن ساقتاۋ جونىندە 115 134 مەموراندۋم بەكىتىلدى، بۇل بارلىق قازاقستان بويىنشا 2،8 ميلليون ەڭبەككەردى قامتيدى.

بۇگىندە كاسىپوداقتاردىڭ بىرلىگىن نىعايتۋ، جاستاردى كەڭىنەن تارتۋ جانە جۇرتشىلىقپەن، باق-پەن، ساراپتامالىق قاۋىمداستىقپەن، الەۋمەتتىك جەلىلەرمەن اقپاراتتىق جۇمىستى كۇشەيتۋ قاجەتتىلىگى تۋدى.

فورۋم اياسىندا وبلىستىق ءبىلىم جانە عىلىم قىزمەتكەرلەرى كاسىپوداعىنىڭ ءتوراعالارى ءسوز سويلەدى. كەزدەسۋگە قاتىسۋشىلار نۇرسۇلتان نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ بارلىق قىرلارىن قولدادى.