الدىن الا مالىمەت بويىنشا، رەسەيدە اپاتقا ۇشىراعان ان-148 ۇشاعىندا بولعان جولاۋشىلار اراسىندا قازاقستان ازاماتتارى جوق. بۇل تۋرالى ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ ءمالىم ەتتى، دەپ حابارلايدى Qamshy.kz اقپارات اگەنتتىگى. بۇل تۋرالى ءانۋار جايناقوۆ ءوزىنىڭ فەيسبۋك پاراقشاسىنا جاريالادى.

«الدىن الا مالىمەت بويىنشا، رەسەيدىڭ ماسكەۋ وبلىسىندا اپاتقا ۇشىراعان ان-148 ۇشاعىندا بولعان جولاۋشىلار اراسىندا قازاقستان ازاماتتارى بولعان جوق. رەسەيدەگى ءبىزدىڭ ديپلوماتتار جەرگىلىكتى قىزمەتتەرمەن ۇدايى بايلانىسىپ وتىر جانە جاعدايدى باقىلاۋدى جالعاستىرۋدا. اۋە اپاتىندا قازا بولعان بارشا جانداردىڭ وتباسىلارى مەن جاقىندارىنا قايعىرا كوڭىل ايتامىز»، - دەپ جازدى ءانۋار جايناقوۆ فەيسبۋكتەگى پاراقشاسىنا.

ەسكە سالساق، 11 اقپاندا ماسكەۋدىڭ دومودەدوۆو اۋەجايىنان كوككە كوتەرىلگەن ان-148 جولاۋشىلار ۇشاعى كوپ ۇزاماي راداردان جوعالىپ كەتتى. كەيىن ۇشاق قالدىقتارى ماسكەۋ وبلىسىنىڭ رامەنسك اۋدانىندا تابىلعانى ءمالىم ەتىلدى.  «ساراتوۆ اۋە جەلىلەرى» كومپانياسىنا تيەسىلى ۇشاقتىڭ بورتىندا 65 جولاۋشى مەن 6 ەكيپاج مۇشەسى بولدى. ولاردىڭ بارلىعى اشال قۇشتى.