وڭتۇستىك كورەيادا ءوتىپ جاتقان ححIII قىسقى وليمپيادا ويىندارىنىڭ ءۇشىنشى كۇنگى جالپى ەسەبى بويىنشا قازاقستان 11ء-ىنشى ورىندا تۇر، دەپ حابارلايدى قازاقپاراتقا سىلتەمە بەرىپ Qamshy.kz اقپارات اگەنتتىگى.

قازاقستاندىق سپورتشىلاردىڭ ءۇشىنشى جارىس كۇنگى ناتيجەلەرى ۇلتتىق وليمپيادالىق كوميتەتىنىڭ پرەزيدەنتى گالىشيەۆانى جەڭىسىمەن قۇتتىقتادى. كەشە فريستايلشى يۋليا گالىشيەۆا ەل قورجىنىنا العاشقى قولا مەدالدى سالدى. سونىڭ ناتيجەسىندە قازاقستان پحەنچحان وليمپياداسىندا مەدال العان 11 مەملەكەتتىڭ تىزىمىنە ەندى. قازىرگى كورسەتكىش بويىنشا، ءبىرىنشى ورىندا گەرمانيا قۇراماسى كەلەدى. ولاردىڭ ەنشىسىندە 3 التىن، 1 قولا مەدال بار.

ەكىنشى ورىندا - نيدەرلاندى ەلىنىڭ سپورتشىلارى. ولاردىڭ قورجىنىندا 2 التىن، 2 كۇمىس، 1 قولا مەدال بولسا، ۇزدىك ۇشتىكتى تۇيىندەپ تۇرعان نورۆەگيادا 1 التىن، 4 كۇمىس، 3 قولا مەدال بار.

ال قازاقستان مەدالدىق كەستەدە ازىرگە 11ء-ىنشى ورىنعا ورنالاسىپ وتىر. 11ء-ىنشى ورىندا سونداي-اق ەنشىلەرىندە ءبىر-بىر «قولادان» بار فينليانديا، يتاليا جانە وليمپيادا تۋى استىندا ونەر كورسەتىپ جاتقان رەسەيلىك سپورتشىلار بار. وليمپياداعا قازاقستاننان 46 سپورتشى 57 جولداما جەڭىپ العان بولاتىن: بياتلوننان - 10، مانەرلەپ سىرعاناۋ - 3، شورت-ترەك - 12، كونكيمەن سىرعاناۋ - 12، شاڭعى جارىسى - 7، فريستايل-موگۋل - 4، فريستايل-اكروباتيكا - 5، تاۋ شاڭعى سپورتى - 2، ترامپليننەن سەكىرۋ - 1، شاڭعى سپورتى - 1.   بايراقتى باسەكەگە 92 ەلدىڭ سپورتشىلارى قاتىسۋدا. ولار سپورتتىڭ 15 تۇرىنەن 102 مەدال جيىنتىعىن ساراپقا سالادى.