رەسەي اسكەريلەرى قازاقستانداعى سارىشاعان پوليگونىندا پرو جۇيەسىنىڭ زىمىرانىن ءساتتى تۇردە سىناقتان وتكىزدى، دەپ Qamshy.kz اقپارات اگەنتتىگى ريانوۆوستيگە سۇيەنىپ جازادى. 

رەسەي اۋە-عارىش كۇشتەرىنىڭ پولكوۆنيگى جانە پۆو-پرو بىرلەستىگىنىڭ پارمەن بەرۋشىنىڭ ورىنباسارى اندرەي پريحودكو جاڭا زىمىرانعا قارسى قارۋ اسقان ناقتىلىقپەن شارتتى تۇردەگى ماقساتقا جەتكەنىن ايتتى.

اسا ماڭىزدى قورعانىس جۇيەسى رەتىندە پرو ماسكەۋدى سىرتقى اۋە-عارىش شابۋىلدارىنان قورعاۋعا باعىتتالعان. زىمىران شابۋىلى بولا قالعان جاعدايدا بۇل جۇيە عارىش كەڭىستىگىن باقىلاۋشىلارعا بەلگى بەرەدى.

زىمىرانعا قارسى قارۋ ماسكەۋ ماڭىنداعى سوفرينو پوليگونىنا قاشان جەتكىزىلەتىنى جونىندەگى اقپارات ءالى دە انىقتالۋدا.

-قارۋدىڭ ۇزاقتىققا، دالدىككە، ەكسپلۋاتاسيا ۋاقىتىنا بايلانىستى تەحنيكالىق انىقتاماسى قازىرگى تاڭدا قولدا بار قارۋلاردان وق بويى وزىق تۇر. اتالمىش قارۋ پرو جۇيەسىنىڭ بارلىق باسقا قارۋلارى ىسپەتتى بەلگىلەنگەن ايماقتى قاۋىپتەن قۇتقارۋعا باعىتتالعان مىقتى قورعانىس قۇرالى بولارىنا ءشۇبا جوق. ول تەك ءبىر عانا سوققىعا ەمەس، توپتىق زىمىران سوققىسىنا دا تويتارىس بەرە الادى، -دەدى پريحودكو.

ول پۆو-پرو جۇيەسى قازىردە جاڭارتىلۋ ۇستىندە ەكەنىن اتاپ ءوتتى. 2017 جىلى 24 قاراشادا رەسەي قورعانىس مينيسترلىگى قازاقستانداعى سارىشاعاندا زىمىرانعا قارسى قارۋدىڭ سىناماسىن وتكىزگەن ەدى.