22 اقپاندا (باستالۋى 10:00) قازاقستان ۇلتتىق بانكىنىڭ (قۇب) ءتوراعاسى دانيار اقىشيەۆ ونلاين-رەجىمدە كونفەرەنسيا وتكىزەدى، دەپ حابارلايدى  Qamshy.kz اقپارات اگەنتتىگى قازاقپارات مالىمەتىنە سۇيەنىپ.

ءۇش ساعات بويى ونلاين-رەجىمدە قازاقستاندىقتار ۇلتتىق بانكتىڭ قىزمەتى، جۇرگىزىلىپ وتىرعان اقشا-كرەديت ساياساتى، قارجىلىق قىزمەتتەر سالاسىندا ءوز قۇقىقتارىن قورعاۋعا قاتىستى جانە كوپتەگەن وزگە دە ماسەلەلەر بويىنشا سۇراقتارعا جاۋاپ الا الادى.

سۇراقتاردى «قۇب Online» موبيلدىك قوسىمشاسىنداعى «قۇب ءتوراعاسى  د.ت. اقىشيەۆتىڭ ونلاين-كونفەرەنسياسى» ارنايى ءبولىمى؛ اقپاراتتىق ارىپتەس - «Kazinform» حالىقارالىق اقپارات اگەنتتىگىنىڭ سايتى؛ سونداي-اق  قازاقستان ۇلتتىق بانكىنىڭ Facebook (www.facebook.com/ulttykbanki/ جانە  www.facebook.com/nationalbankkz/) جانە Instagram (https://www.instagram.com/national_bank_of_kazakhstan/)  الەۋمەتتىك جەلىلەرىندەگى رەسمي پاراقشالارى ارقىلى جولداۋعا بولادى.

«قۇب Online» موبيلدىك قوسىمشاسىن App Store جانە Play Market ارقىلى iOS جانە Android پلاتفورمالارىندا مەملەكەتتىك جانە ورىس تىلدەرىندە جۇكتەپ الۋعا بولادى