قازاقستان پرەزيدەنتى نۇرسۇلتان نازاربايەۆ رەسەي پرەزيدەنتى ۆلاديمير پۋتينگە كەشەگى ماسكەۋ ماڭىندا ۇشاق جارىلىسىنان قازا بولعان جولاۋشىلار ءۇشىن كوڭىل ايتىپ، تەلەگرامما جولدادى.

اقوردانىڭ باسپا ءسوز حاتشىلىعى ان-148 ۇشاعىندا قازا بولعاندار تۋرالى حاباردى نۇرسۇلتان نازاربايەۆتىڭ تەرەڭ مۇڭمەن قابىل العانىن جەتكىزدى، دەپ جازادى Qamshy.kz اقپارات اگەنتتىگى. 

-قازاقستان حالقى اتىنان جانە جەكە ءوزىمنىڭ اتىمنان قازا بولعانداردىڭ وتباسى مەن تۋعان-تۋىستارىنا جانە جاقىن ادامدارىنا كوڭىل ايتامىن،-دەپ جازىلعان تەلەگراممادا.

ەسكە سالا كەتسەك، ان 148 ۇشاعى 11 اقپاندا دومودەدوۆادان 14:24-تە ورىنبورداعى ور قالاسىنا جول تارتىپ، 14:28 شاماسىندا راداردان جوعالىپ، ماسكەۋ ماڭىنداعى رامەن اۋماعىنا قۇلاعان.

ۇشاقتا 71 ادام بولعان، جارىلىستىڭ ناقتى نەدەن تۋىنداعانى ءالى بەلگىسىز.