قازگيدرومەت 14 اقپانعا ارنالعان اۋا رايى بولجامىن جاريالادى، دەپ حابارلايدى Qamshy.kz اقپارات اگەنتتىگى. وڭتۇستىك سيكلوننىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى، كەي جەرلەردە قار جاۋادى، وڭتۇستىكتەگى كەي ايماقتاردا قاتتى جەلدىڭ كۇشەيۋى كۇتىلىپ، بۇرقاسىن، تۇمان، كوكتايعاق بولادى.
الماتى، جامبىل، وڭتۇستىك قازاقتان وبلىستارىنىڭ كەي جەرلەرىندە تۇمان، كوكتايعاق، بۇرقاسىن بولىپ، جەلدىڭ جىلدامدىعى 15-20، كەي جەرلەردە 23-30 م/س دەيىن كۇشەيەدى.
ماڭعىستاۋ، باتىس قازاقستان، قوستاناي وبلىستارىندا تۇمان بولادى. اقمولا، سولتۇستىك قازاقستان، قاراعاندى، پاۆلودار، شىعىس قازاقستان وبلىستارىندا بۇرقاسىن، تۇمان، جەل 15-20 م/س كۇشەيەدى.
پىكىر قالدىرۋ