دۋباي اۋە كەڭىستىگىندە جۋىق ارادا كولىكتىڭ ەرەكشە ءتۇرى - جۇرگىزۋشىسىز باسقارىلاتىن تاكسيلەر پايدا بولادى. 6-شى بۇكىلالەمدىك ۇكىمەتتىك سامميتتە وسىنداي جوبا تانىستىرىلدى، دەپ حابارلايدى Qamshy.kz اقپارات اگەنتتىگى تاسس سايتىنا سىلتەمە جاساي وتىرىپ.

شاراعا 140 ەلدەن كەلگەن 4 مىڭنان استام دەلەگات قاتىسۋدا. تاكسيدىڭ جاڭا ءتۇرىن شىعارۋ باستاماسىن گەرمانيانىڭ Volocopter كومپانياسىنا ىنتىماقتاستىق جاساۋدى ۇسىنعان دۋباي جول جانە كولىك باسقارماسى كوتەردى.

جوبا اۆتورلارىنىڭ ايتۋىنشا، دۋبايدىڭ اۋە تاكسيلەرى - كولىكتىڭ ەكولوگيالىق تازا ءتۇرى. ول ەلەكترمەن جۇمىس ىستەيتىن بولادى. جوباعا سايكەس، ۇشۋ ۇزاقتىعى 30 مينۋتتان، جىلدامدىعى ساعاتىنا 100 كيلومەتردەن، ال بيىكتىگى 2 مىڭ مەتردەن اسپايدى. 

بۇدان بۇرىن ءباا پرەمەر-مينيسترى جانە دۋباي ءامىرى شەيح مۇحاممەد بين ءراشيد ال-ماكتۋم 2030 جىلعا قاراي قالاداعى وزدىگىنەن جۇرەتىن كولىك قۇرالدارى 25%-عا جەتەتىنىن مالىمدەگەن بولاتىن.