استانادا وتەتىن سيريا جونىندەگى كەزەكتى كەلىسسوز رەسەي، يران جانە تۇركيانىڭ سىرتقى ىستەر مينيسترلەرىنىڭ كەزدەسۋىنەن كەيىن، كەلەسى ايدا وتەتىن بولدى. بۇل تۋرالى قازاقستاننىڭ سىرتقى ىستەر ءمينيسترى قايرات ءابدىراحمانوۆ حابارلادى، دەپ جازادى Qamshy.kz اقپارات اگەنتتىگى.

بىلتىر 21-22 جەلتوقساندا استانادا كەزدەسكەن بىتىمگەرلەر اقپان ايىندا تاعى باس قوسامىز دەپ كەلىسكەن. ايدىڭ باسىندا دا ءابدىراحمانوۆ اقپاننىڭ 20-سىندا جاڭا كەلىسسوزگە دايىندالىپ جاتقاندارىن مالىمدەدى.

«استانا پروسەسىندەگى كەپىل مەملەكەتتەر — رەسەي، تۇركيا جانە يران الدىمەن سىرتقى ىستەر مينيسترلەردىڭ باسىن قوسۋدى جوسپارلاپ وتىر. بۇل كەزدەسۋ دە استانادا ءوتۋى مۇمكىن»، - دەدى ول.

قازاقستان سىرتقى ىستەر ءمينيسترىنىڭ سوزىنشە، تاياۋ شىعىستاعى قازىرگى جاعدايلارعا بايلانىستى ءبارىنىڭ جۇمىس كەستەلەرى وتە تىعىز. سول سەبەپتەن كەزدەسۋلەر ناۋرىز ايىندا جوسپارلانۋى مۇمكىن.