پارا الىپ سوتتالعان ەرلان ءبىلال تەاتردىڭ اكتەرلەر قۇرامىندا جۇمىسىن جالعاستىراتىن بولادى، دەپ حابارلايدى Qamshy.kz اقپارات اگەنتتىگى. بۇل تۋرالى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ جاڭا باسشىسى اسحات ماەميروۆ مالىمدەدى.

«ەرلان وسى تەاترداعى نەگىزگى رەپەرتۋارلاردى باستى كەيىپكەرلەردى سومدايدى. ول مۇحتار اۋەزوۆتىڭ «اباي جولىنداعى» اباي، ونى ەرلاننان باسقا ەشكىم ويناي المايدى. ول دۋلات يسابەكوۆتىڭ «جاۋ جۇرەگىندەگى» بالۋان شولاق، يسرايل ساپاربايەۆتىڭ «سىعان سەرەناداسىنداعى» ءشامشى بەينەسى، اكىم تارازيدىڭ «اقىن پەرىشتە ماحابباتتاعى» مۇقاعالي بەينەسى. ەرلاننىڭ ءبىرىنشى اللا تاعالا بەرگەن تالانتى، ارتيستيزم، كاسىبي شەبەرلىگى، ناعىز ونەردەگى تۇلعا. سوندىقتان تۇلعا تەاتردان ءبولىنىپ ەشقايدا كەتپەيدى»، - دەدى  مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى.

ايتا كەتەيىك، تەاتردىڭ بۇرىنعى ديرەكتورى ەرلان ءبىلال 2018 جىلدىڭ 5 قاڭتارىندا 1،5 ملن تەڭگە كولەمىندە پارا الىپ جاتقان جەرىنەن ۇستالعان.

ءبىر ايدان سوڭ اكتەردىڭ ىسىنە قاتىستى سوت ۇكىمى شىقتى. وعان پارا كولەمىنەن 35 ەسە جوعارى كولەمدە ايىپپۇل سالدى. ەندى ەرلان ءبىلال 52،2 ملن تەڭگەنى مەملەكەتكە ءبىر ايدىڭ ىشىندە تولەۋى ءتيىس.