باتىس تىلشىلەرى پحەنچحانعا كەلگەن سولتۇستىككورەي قىزدارى قالاي ءومىر ءسۇرىپ جاتقاندىعى تۋرالى مالىمەت جينادى، دەپ جازادى Qamshy.kz اقپارات اگەنتتىگى.  كحدر-دان كەلگەن قىزدار «كاپيتاليستىك شىندىقتان» جان-جاقتى شەتتەتىلۋدە. قاي جەرگە بارسا دا، جەندەتتەردىڭ نازارىنان شىقپاي، ءتىپتى اجەتحاناعا دا قاراۋسىز جىبەرىلمەيدى.

پحەنچحاندا ءوتىپ جاتقان وليمپيادا ويىندارىنا الەمدەگى ەڭ جابىق ەلدەن 229 جانكۇيەر قىز كەلدى. ولاردىڭ ءجۇرىس-تۇرىسى قىسقى ويىندارداعى ەڭ ەرەكشە قۇبىلىس بولدى. ماسەلەن، ولار قاي جەردە دە ۇستەرىنە كيگەن بىردەي فورماسىن تاستامايدى. ولار ويىن ءوتىپ جاتقان قالاعا ءبىر جارىم ساعات قاشىقتىقتاعى جەردە تۇرىپ جاتىر. تاڭعى اس پەن تۇستىككە جانكۇيەر قىزداردى 30 ەتىپ توپتاپ، الىپ بارادى.  ولاردىڭ قاسىندا ءاردايىم بىرنەشە قاراۋىل ەر ادام جۇرەدى.

ولار قىزداردىڭ شەتەلدىكتەرمەن سويلەسپەۋى ءۇشىن تريبۋنادا دا قاسىندا جۇرەدى. ال جارىس ۋاقىتىندا اجەتحاناعا بارعىسى كەلگەندەر تەك ەر ادامدارمەن عانا بارا الادى.

ال جانكۇيەرلەر وتىرعان تريبۋنادا قىزدار ستاديوندا ەشتەمە بولىپ جاتقان جوقتاي مىنەز تانىتادى. ولار ءتىپتى ءۇزىلىس كەزىندە دە ءان سالا باستايدى. امەريكالىق جۋرناليستەر 35 جاستاعى جانكۇيەر، كحدر-دان كەلگەن بوسقىن ايەلمەن سويلەسۋگە مۇمكىندىك العان.

ونىڭ ايتۋىنشا، جانكۇيەر قىزداردى ەرەكشە پارتيالىق دايىندىقتان وتكەن سپورت مەكتەبىنىڭ تۇلەكتەرى اراسىنان تاڭداپ الادى. تاڭدالعان قىزدارعا ەڭبەكاقى تولەمەيدى جانە بولاتىن جارىستارعا ولاردى بىرنەشە اي دايىندايدى. ونىڭ الدىندا سولتۇستىككورەيالىق سپورتشىلار ويىن ۇيىمداستىرۋشىلارى بەرگەن سىيلىقتاردى ەلىنە الىپ بارا المايدى.