بۇگىن بەلگىلى جۋرناليست ەرجان بايتىلەس «نۇر وتان» پارتياسى قىزىلوردا وبلىستىق فيليالى ءتوراعاسىنىڭ ورىنباسارى قىزمەتىنە تاعايىندالدى، دەپ حابارلايدى Qamshy.kz اقپارات اگەنتتىگى. بۇل جايىندا ق ر ينۆەستيسيالار جانە دامۋ ءمينيسترىنىڭ كەڭەسشىسى بەرىك ءۋالي ءوزىنىڭ Facebook پاراقشاسىندا جازدى.

– نۇرتورە ءجۇسىپ («اق جول قازاقستان» گازەتى)، قالي سارسەنباي («الماتى اقشامى»)، باۋىرجان وماروۆ، ماقسات ءتاج-مۇرات، سامات يبرايم («انا ءتىلى») سەكىلدى قازاق جۋرناليستيكاسىنداعى مەنمىن دەگەن رەداكتورلاردىڭ تاجىريبەسىن كورگەن، رەسپۋبليكالىق «انا ءتىلى» گازەتىندە باس رەداكتوردىڭ ءبىرىنشى ورىنباسارى قىزمەتىن اتقارعان، بۇگىنگە دەيىن ەل باسىلىمى «ەگەمەننىڭ» قىزىلوردا وبلىسى بويىنشا مەنشىكتى ءتىلشىسى بولىپ، 7 جىلداي ءبىر وبلىستىڭ وتىمەن كىرىپ، كۇلىمەن شىعىپ جۇرگەن ەرجان بايتىلەستى جاڭا قىزمەتىمەن قۇتتىقتايمىز، – دەدى بەرىك ءۋالي.

ەرجان بايتىلەس 2016 جىلى قىزىلوردا قالالىق ءماسليحاتى دەپۋتاتتىعىنا سايلانىپ، سودان بەرى قوعامدىق جۇمىستارعا بەلسەندى ارالاسىپ ءجۇر.