پاركلەند قالاسىنداعى مەكتەپتىڭ بىرىندە اتىس جاساعان نيكولاس كرۋز تەرگەۋشىلەرگە شابۋىل جاساۋىنا نە تۇرتكى بولعانىن ايتىپ بەردى دەپ حابارلايدى Qamshy.kz اقپارات اگەنتتىگى. 

ونىڭ ايتۋىنشا، ول داۋىستار ەستىگەن. ولار نيكولاسقا قايدا بارىپ، نە ىستەۋ كەرەكتىگىن نۇسقاعان.

19 جاستاعى جىگىتتى بىلەتىندەر ونىڭ مىنەزى قيىن ەكەنىن ايتادى. ونى اسىراپ العان وتباسى نيكولاس كرۋزدىڭ سوڭعى ۋاقىتتا دەپرەسسيادا بولعانىن جانە پسيحوتەراپيەۆتكە قارالىپ جۇرگەنىن ايتادى. ءبىراق سەانستار توقتاعان.

نيكولاس كرۋزدىڭ تانىسى ونى قارۋعا ەرەكشە قىزىعۋشىلىق تانىتاتىن اقىل-ەسىنەن اداسقان ادام رەتىندە سيپاتتادى.

نيكولاس بۇعان دەيىن Instagram-عا تاپانشا مەن پىشاق ۇستاپ تۇرعان فوتولارىن ءجيى جاريالاعان. ال سۋرەتتىڭ استىنا مۇسىلماندار تۋرالى ازىلدەپ، اتىستى – «توپتىق تەراپيا» دەپ جازعان.

ول 14 اقپاندا 17 ادامدى ءولتىرىپ، 14 ادامدى جاراقاتتادى. اۋرۋحانادا جاتقان ءۇش ادامنىڭ جاعدايى اۋىر.

نيكولاس كرۋز اتىس جاساعان مەكتەپتە 2016 جىلدىڭ اقپانىنان 2017 جىلعا دەيىن وقىعان. ونى ءتارتىبى ءۇشىن مەكتەپتەن شىعارعان. مەكتەپ اكىمشىلىگى ونىڭ ناقتى نە ءۇشىن مەكتەپتەن شىعارىلعانىن «جەكە ومىرگە قول سۇقپاۋ» دەگەن جەلەۋمەن ايتپاي وتىر.