الەمنىڭ تۇكپىر-تۇكپىرىنەن ءوز قىزىعۋشىلارى مەن ويىنشىلارىن قالىپتاستىرىپ ۇلگەرگەن قىرعىزستان ۇيىمداستىراتىن دۇنيەجۇزىلىك كوشپەندىلەر ويىندارى باۋىرلاس ەلدىڭ ەڭ ءساتتى مادەني جوباسى دەپ اتاۋعا بولادى، دەپ جازادى Qamshy.kz اقپارات اگەنتتىگى. 

وسىمەن ءۇشىنشى رەت وتكىزىلگەلى وتىرعان دۇنيەجۇزىلىك كوشپەندىلەر ويىندارى 2018 جىلدىڭ 2- قىركۇيەگىنە ىستىق كول ايماعىنداعى شولپان-اتا قالاسىندا وتەدى.

دۇنيەجۇزىلىك كوشپەندىلەر ويىنداردىڭ سالتاناتتى اشىلۋىنا الەمنىڭ 80 ەلىنەن 3000-عا جۋىق سپورتشى قاتىسىپ،  36 ءتۇرلى ەتنيكالىق سپورتتىق جارىستاردان ب ا ق سىنايدى.

ويىنداردى الەمنىڭ 50 ەلىنەن كەلگەن 500-گە جۋىق ب ا ق وكىلدەرى جاريا ەتەتىن بولادى.

پرەمەر-مينيستر ساپار يساكوۆ 2017 جىلعى 15 جەلتوقساندا – كوشپەندىلەر ويىندارىن ۇيىمداستىرۋ جانە وتكىزۋ جونىندەگى دايىندىق جۇمىستارى باستالعانىن ايتقان بولاتىن.

يساكوۆ كوشپەندىلەر مادەنيەتى جاس ۇرپاق اراسىندا تانىمال بولىپ كەلە جاتقان كونە وركەنيەتتەردىڭ ءبىرى ەكەنىن اتاپ ءوتتى.

«ءۇشىنشى دۇنيەجۇزىلىك كوشپەندىلەر ويىندارىنىڭ اۋقىمى قاتىسۋشى مەملەكەتتەردىڭ ءىس-شاراعا قىزىعۋشىلىعىن تۋدىرادى جانە ەلىمىزدىڭ ءيميدجى مەن تۋريستىك تارتىمدىلىعىن ارتتىرادى»، - دەدى يساكوۆ.